ദില്ലി: വാഹനങ്ങളുടെ രൂപമാറ്റത്തില് മാനദണ്ഡങ്ങള് നിശ്ചയിക്കാന് സംസ്ഥാന സര്ക്കാരുകള്ക്ക് അധികാരമില്ലെന്ന് കേന്ദ്രം. കേന്ദ്രം നിശ്ചയിക്കുന്ന മാനദണ്ഡങ്ങള് പ്രകാരമുള്ള രൂപമാറ്റം സംസ്ഥാന സര്ക്കാര് അംഗീകരിച്ച വര്ക്ക് ഷോപ്പുകളിലോ സര്വീസ് സ്റ്റേഷനുകളിലോ നടത്താം.
രൂപമാറ്റം വരുത്തുന്നതിന് മുമ്പ് ഫോം 22 സി വഴി രജിസ്റ്ററിംഗ് അതോറിറ്റിയുടെ മുന്കൂര് അനുമതി വാങ്ങണം. മാറ്റങ്ങള് വരുത്തിയ ശേഷം 14 ദിവസത്തിനുള്ളില് രജിസ്ട്രേഷന് സര്ട്ടിഫിക്കേറ്റില് രേഖപ്പെടുത്തണമെന്നതാണ് വ്യവസ്ഥയെന്നും വി ശിവദാസന് എംപിയുടെ ചോദ്യത്തിന് ഗതാഗത മന്ത്രി നിതിന് ഗഡ്കരി പാര്ലമെന്റില് രേഖാമൂലം മറുപടി നല്കി.
എറ്റവും പുതിയ വാർത്തകൾ വാട്സ്ആപ്പിൽ ലഭിക്കാൻ
Join Our WhatsApp Group
