ദമാം എയർപോർട്ടിലും ആക്രമണം, കിഴക്കൻ പ്രവിശ്യയിലും അൽ ഖർജിലും ഡ്രോൺ, മിസൈൽ ആക്രമണങ്ങൾ

റിയാദ്: കിഴക്കൻ പ്രവിശ്യയിലും അൽ ഖർജിലും ഡ്രോൺ, മിസൈൽ ആക്രമണങ്ങൾ നടന്നതായി യെമനിലെ ഔദ്യോഗിക സർക്കാരിനെ പിന്തുണയ്ക്കുന്നതിനുള്ള സഖ്യസേനയുടെ ഔദ്യോഗിക വക്താവ് മേജർ ജനറൽ തുർക്കി അൽ-മാലികി അറിയിച്ചു. നേരത്തെ, റിയാദ് എയർപോർട്ട് ആക്രമണത്തിൽ 12 പേർ കൊല്ലപ്പെടുകയും 309 പേർക്ക് പരിക്ക് ഏൽക്കുകയും ചെയ്തിരുന്നു. ഇതോടെ ഒരാഴ്ചക്കിടെ റിയാദ് എയർപോർട്ടിൽ മാത്രം കൊല്ലപ്പെട്ടവരുടെ എണ്ണം 18 ആയി.

തീവ്രവാദി ഹൂത്തി മിലിഷ്യകൾ വിക്ഷേപിച്ച അൽ ഖർജ് ഗവർണറേറ്റിലെ ഒരു ബാലിസ്റ്റിക് മിസൈലും കിഴക്കൻ പ്രവിശ്യയിലെ ഒരു ഡ്രോണും തടഞ്ഞു നശിപ്പിച്ചതായി പ്രഖ്യാപിച്ചു. ഹൂതികളുടെ ലക്ഷ്യം കാണും മുമ്പ് ഇവ തകർക്കാൻ കഴിഞ്ഞതായി സഖ്യസേന അറിയിച്ചു.

മറ്റൊരു സാഹചര്യത്തിൽ, കിഴക്കൻ സഊദിയിലെ ദമാം കിങ് ഫഹദ് വിമാനത്താവളത്തിലും പ്രൊജക്റ്റൈൽ വീണതായും സഖ്യസേന അറിയിച്ചു. സഖ്യസേനയുടെ ഔദ്യോഗിക വക്താവ് മേജർ ജനറൽ തുർക്കി അൽ മാലികി തന്നെയാണ് ഇക്കാര്യവും വെളിപ്പെടുത്തിയത്.

അതിനിടെ, റിയാദിലെ കിംഗ് ഖാലിദ് അന്താരാഷ്ട്ര വിമാനത്താവളത്തിന് നേരെ നടന്ന ആക്രമണം ഉൾപ്പെടെ, സഊദി അറേബ്യയ്‌ക്കെതിരെ ഹൂതികൾ നടത്തിയ സമീപകാല ആക്രമണങ്ങളെ അമേരിക്ക ശക്തമായി അപലപിക്കുന്നതായി യുഎസ് സ്റ്റേറ്റ് സെക്രട്ടറി മാർക്കോ റൂബിയോ പറഞ്ഞു. ഈ ആക്രമണങ്ങളിൽ ഒരു അമേരിക്കൻ പൗരൻ ഉൾപ്പെടെ നിരവധി നിരപരാധികൾ കൊല്ലപ്പെട്ടിരുന്നു.

നിരപരാധികളായ സാധാരണക്കാരുടെ ജീവനോടുള്ള തികഞ്ഞ അവഗണനയാണ് ഇത്തരം ലജ്ജാകരമായ ആക്രമണങ്ങൾ കാണിക്കുന്നത്. അവ ഉടൻ തന്നെ അവസാനിപ്പിക്കണം, സഊദി അറേബ്യയ്‌ക്കും അവിടുത്തെ ജനങ്ങൾക്കും ഒപ്പം ഞങ്ങൾ നിലകൊള്ളുന്നു, ആക്രമണത്തിൽ ഇരയായവർക്കും അവരുടെ കുടുംബങ്ങൾക്കും ഞങ്ങൾ അനുശോചനം രേഖപ്പെടുത്തുന്നു, അദ്ദേഹം പറഞ്ഞു. അമേരിക്കയും സൈനിക നടപടികൾ കൈകൊള്ളുന്നമെന്ന സൂചന ട്രംപും നൽകിയിട്ടുണ്ട്.

റിയാദ് വിമാനത്താവളത്തിന് നേരെ വൻ ആക്രമണം; 12 പേർ കൊല്ലപ്പെട്ടു, 309 പേർക്ക് പരിക്ക്