സിനിമക്കഥകളെപ്പോലും വെല്ലുന്ന തരത്തിലുള്ള തികച്ചും വിചിത്രവും ഞെട്ടിക്കുന്നതുമായ ഒരു വിവാഹ വാര്ത്തയാണ് ഉത്തര്പ്രദേശില് നിന്നും ഇപ്പോള് പുറത്തുവരുന്നത്. സ്വന്തം അമ്മായിയമ്മയുമായി പ്രണയത്തിലായ ഒരു യുവാവ്, ഒടുവില് അവരെത്തന്നെ വിവാഹം കഴിച്ച സംഭവമാണ് സോഷ്യല് മീഡിയയിലാകെ വലിയ ചര്ച്ചയായിരിക്കുന്നത്. യുപിയിലെ ബദായൂണ് ജില്ലയിലാണ് സംഭവം നടന്നിരിക്കുന്നത്. നാല് വര്ഷത്തോളം നീണ്ട രഹസ്യ പ്രണയത്തിനൊടുവിലാണ് യുവാവ് അമ്മായിയമ്മയുടെ കഴുത്തില് താലി ചാര്ത്തിയത്.
കുറച്ചു വര്ഷങ്ങള്ക്ക് മുന്പാണ് യുവാവ് യുവതിയെ വിവാഹം കഴിക്കുന്നത്. എന്നാല് വിവാഹശേഷം ഭര്ത്താവും അമ്മയും തമ്മില് അവിഹിത ബന്ധത്തിലാണെന്ന കാര്യം ഭാര്യ തിരിച്ചറിഞ്ഞിരുന്നില്ല. ഇരുവരും ആരുമറിയാതെ തങ്ങളുടെ പ്രണയം വര്ഷങ്ങളോളം മുന്നോട്ട് കൊണ്ടുപോവുകയായിരുന്നു. എന്നാല് അടുത്തിടെ ഇവരുടെ രഹസ്യബന്ധം ഭാര്യ കണ്ടുപിടിക്കുകയും വീട്ടില് വലിയ വഴക്കുകള്ക്ക് ഇത് കാരണമാവുകയും ചെയ്തു. ഒടുവില് ഭാര്യയുമായുള്ള ബന്ധം പൂര്ണ്ണമായി ഉപേക്ഷിക്കാന് ഭര്ത്താവ് തീരുമാനിക്കുകയായിരുന്നു.
ഭാര്യയെ ഉപേക്ഷിച്ചതിന് പിന്നാലെ യുവാവ് അമ്മായിയമ്മയെ വിവാഹം കഴിക്കാന് തീരുമാനിക്കുകയും ഒരു പ്രാദേശിക ക്ഷേത്രത്തില് വെച്ച് ഇവരുടെ വിവാഹം നടക്കുകയും ചെയ്തു. വിവാഹത്തിന്റെ വീഡിയോകള് സോഷ്യല് മീഡിയയില് പ്രചരിച്ചതോടെയാണ് സംഭവം പുറംലോകം അറിയുന്നത്. ഈ അവിശ്വസനീയമായ സംഭവത്തെക്കുറിച്ച് അറിഞ്ഞ് ബന്ധുക്കളും നാട്ടുകാരും ഒരുപോലെ ഞെട്ടിയിരിക്കുകയാണ്. ധാര്മ്മിക മൂല്യങ്ങളെ കാറ്റില്പ്പറത്തിയുള്ള ഈ വിവാഹത്തിനെതിരെ സോഷ്യല് മീഡിയയില് കടുത്ത വിമര്ശനങ്ങളാണ് ഉയരുന്നത്.
എറ്റവും പുതിയ വാർത്തകൾ വാട്സ്ആപ്പിൽ ലഭിക്കാൻ
Join Our WhatsApp Group
