കാഠ്മണ്ഡു: നേപ്പാളിൽ എവറസ്റ്റ് കൊടുമുടിക്ക് സമീപം ലാൻഡിങ്ങിനിടെ ഹെലികോപ്ടറുകൾ കൂട്ടിയിടിച്ച് തകർന്നു. അപകടത്തിൽ ഒരാൾ മരിച്ചു. ഇന്ത്യക്കാരനായ വിനോദസഞ്ചാരിയാണ് കൊല്ലപ്പെട്ടത് എന്നാണ് റിപ്പോർട്ടുകൾ. എവറസ്റ്റ് മേഖലയിലെ പെരിചെയിലാണ് അപകടം ഉണ്ടായത്. കൊല്ലപ്പെട്ടത് വസന്ത് കുമാർ ബാലരാമരാമഡു എന്ന ആൾ ആണെന്നാണ് അന്തർദേശീയ മാധ്യമങ്ങളെ ഉദ്ധരിച്ച് എൻഡിടിവി റിപ്പോർട്ട് ചെയ്യുന്നത്.
അപകടത്തിന്റെ ദൃശ്യങ്ങൾ എന്ന് അവകാശപ്പെടുന്ന ഒരു വീഡിയോ പുറത്തുവന്നിട്ടുണ്ട്. അപകടത്തിൽ രണ്ടുപേർക്ക് പരിക്കേറ്റിട്ടുമുണ്ടെന്നാണ് വിവരം. രാജ്യതലസ്ഥാനമായ കാഠ്മണ്ഡുവിൽനിന്ന് 250 കിലോമീറ്റർ അകലെയുള്ള സോലുഖുംബു ഹെലിപോർട്ടിലാണ് സംഭവം. എയർ ഡൈനാസ്റ്റി, ഫിഷ് ടെയിൽ എന്നീ കമ്പനികളുടെ ഹെലികോപ്ടറുകളാണ് അപകടത്തിൽപ്പെട്ടത്.
എറ്റവും പുതിയ വാർത്തകൾ വാട്സ്ആപ്പിൽ ലഭിക്കാൻ
Join Our WhatsApp Group
