കുറഞ്ഞ നിരക്ക് 3 ലക്ഷം രൂപ പോർച്ചുഗൽ– ക്രൊയേഷ്യ മത്സരത്തിന്റെ ടിക്കറ്റ് വില കുതിക്കുന്നു

ടൊറൊന്റോ: പോർച്ചുഗൽ – ക്രൊയേഷ്യ റൗണ്ട് ഓഫ് 32 മത്സര ടിക്കറ്റിന്റെ വിലയിൽ വൻ കുതിപ്പ്. ടിക്കറ്റ് റീ സെയിൽ പ്ലാറ്റ്ഫോമുകളിലെ വിലയിലാണു കുതിപ്പുണ്ടായത്. ഏകദേശം 3 ലക്ഷം രൂപയാണ് (3000 യുഎസ് ഡോളർ) ഏറ്റവും കുറഞ്ഞ നിരക്ക്. ആവശ്യക്കാർ കൂടുന്നതിന് അനുസരിച്ച് ടിക്കറ്റ് വില വർധിക്കുന്ന ‘ഡൈനാമിക് പ്രൈസിങ്’ രീതിയാണ് ഇതിനു പിന്നിൽ.

ഈ ലോകകപ്പിലാണ് ഫിഫ പുതിയ പ്രൈസിങ് രീതി നടപ്പാക്കിയത്. റയൽ മഡ്രിഡിൽ സഹതാരങ്ങളായിരുന്ന പോർച്ചുഗലിന്റെ ക്രിസ്റ്റ്യാനോ റൊണാൾഡോയും ക്രൊയേഷ്യയുടെ ലൂക്ക മോഡ്രിച്ചും നേർക്കുനേർ വരുമെന്ന പ്രത്യേകതയും മത്സരത്തിനുണ്ട്. ജൂലൈ 3നു പുലർച്ചെ 4.30നാണു മത്സരം.