മക്കയിലെ മസ്ജിദുൽ ഹറം പള്ളിയിലെ മുഅദ്ദിൻ ശൈയ്ഖ് ഇബ്രാഹിം അൽ മദനി അന്തരിച്ചു

മക്ക: മസ്ജിദുൽ ഹറാമിലെ മുഅദ്ദിനുമാരിൽ പ്രമുഖൻ ശൈയ്ഖ് ഇബ്രാഹിം അൽ മദനി അന്തരിച്ചു. തിങ്കളാഴ്ച പുലർച്ചെ ആയിരുന്നു അദ്ദേഹത്തിന്റെ വിയോഗം എന്ന് റിപ്പോർട്ടുകൾ വ്യക്തമാക്കുന്നു. തിങ്കളാഴ്ച സുബ്ഹി ബാങ്ക് ന് ശേഷം ആയിരുന്നു അന്ത്യം എന്നും റിപ്പോർട്ടുകൾ പറയുന്നു.

മസ്‌ജിദുൽ ഹറാമിലെ 24 പ്രധാന മുഅദ്ദിൻമാരിൽ ഒരാളായിരുന്നു ശൈയ്ഖ് ഇബ്രാഹിം അൽ-മദനി, സുബ് ഹ് ബാങ്ക്, തക്ബീർ ചൊല്ലൽ, ഇമാമിന് പിറകിൽ നിന്നുള്ള തബ് ലീഗ് എന്നിവയിലൂടെ അദ്ദേഹം പ്രശസ്തനായിരുന്നു. നിരവധി വിശ്വാസികൾ അനുശോചനം അറിയിക്കുകയും അദ്ദേഹത്തിന് വേണ്ടി പ്രാർത്ഥിക്കുകയും ചെയ്തു.