- റിയാദിൽ 37 കാരനായ മലപ്പുറം സ്വദേശി മരണപ്പെട്ടു
റിയാദ്: റിയാദിൽ ഹൃദയാഘാതം മൂലം താനൂർ പനങ്ങാട്ടൂർ സ്വദേശി ഫിറോസ് മുസ്ലിയാരകത്ത് (37) താമസസ്ഥലത്തുവെച്ച് മരണപ്പെട്ടു. റിയാദിൽ ഡ്രൈവറായി ജോലി ചെയ്യുകയായിരുന്നു.
ശാരീരിക അസ്വസ്ഥതയെ തുടർന്ന് കഴിഞ്ഞയാഴ്ച റിയാദിലെ ഒബൈദ് ഹോസ്പിറ്റലിൽ ചികിത്സ തേടിയിരുന്നു.
പരേതരായ മുസ്ലിയാരകത്ത് മുഹമ്മദ് അലി, ബീവിക്കുട്ടി എന്നിവരുടെ മകനാണ്. ഭാര്യ: അനീഷ. മക്കൾ: ഫൈസ ഫാത്തിമ
മയ്യത്തുമായി ബന്ധപ്പെട്ട നടപടികൾക്കായി മലപ്പുറം ജില്ലാ കെഎംസിസി വെൽഫെയർ വിങ് ചെയർമാൻ റഫീഖ് ചെറുമുക്ക്, ജനറൽ കൺവീനർ റിയാസ് ചിങ്ങത്ത്, നൗഫൽ താനൂർ, ഫൈസൽ എടയൂർ, ജുനൈദ് താനൂർ എന്നിവർ രംഗത്തുണ്ട്.
