വായ്പ പലിശനിരക്ക് കൂട്ടി ആര്‍ബിഐ; കാല്‍ ശതമാനത്തിന്റെ വര്‍ധന

ന്യൂഡല്‍ഹി: വായ്പ പലിശനിരക്ക് വര്‍ധിപ്പിച്ച് റിസര്‍വ് ബാങ്ക് ഓഫ് ഇന്ത്യ. റിപ്പോ നിരക്കില്‍ 25 ബേസിക് പോയിന്റിന്റെ വര്‍ധനയാണ് ആര്‍ബിഐ വരുത്തിയത്. 2023 ഫെബ്രുവരി ഒന്നിന് ശേഷം ഇതാദ്യമായാണ് ആര്‍ബിഐ പലിശനിരക്ക് വര്‍ധിപ്പിക്കുന്നത്. 5.25 ശതമാനത്തില്‍ നിന്ന് 5.5 ശതമാനമാക്കിയാണ് വായ്പ പലിശനിക്ക് ആര്‍ബിഐ വര്‍ധിപ്പിച്ചിരിക്കുന്നത്. പലിശനിരക്ക് കൂട്ടിയതോടെ ഭവന, വാഹന, വ്യക്തിഗത വായ്പകള്‍ ഉയരും.

നടപ്പ് സാമ്പത്തികവര്‍ഷത്തിലെ വളര്‍ച്ചാ അനുമാനം 7.1 ശതമാനമായിരിക്കുമെന്ന് ആര്‍ബിഐ ഗവര്‍ണര്‍ സഞ്ജയ് മല്‍ഹോത്ര പറഞ്ഞു. സാമ്പത്തിക വര്‍ഷത്തിന്റെ രണ്ടാംപാദത്തില്‍ 7.2 ശതമാനം നിരക്കിലും മൂന്നാംപാദത്തില്‍ 6.9 ശതമാനം നിരക്കിലും നാലാംപാദത്തില്‍ 6.8 ശതമാനം നിരക്കിലുമാവും സമ്പദ്‌വ്യവസ്ഥ വളരുക.

ഉപഭോക്തൃ വില സൂചികയെ അടിസ്ഥാനമാക്കിയുള്ള പണപ്പെരുപ്പം ആഗസ്റ്റില്‍ ഉയര്‍ന്നിട്ടുണ്ടെന്നും ആര്‍ബിഐ ഗവര്‍ണര്‍ വ്യക്തമാക്കി. 4.8 ശതമാനമായാണ് പണപ്പെരുപ്പം ഉയര്‍ന്നത്.ജൂലൈയില്‍ 4.5 ശതമാനമായിരുന്നു പണപ്പെരുപ്പം. ഭക്ഷ്യവസ്തുക്കളുടെ വില വര്‍ധിച്ചതാണ് പണപ്പെരുപ്പം ഉയരാന്‍ കാരണമെന്ന് ആര്‍ബിഐ ഗവര്‍ണര്‍ വ്യക്തമാക്കി. പഞ്ചസാരയും ഉള്ളിയും പോലുള്ള ചില ഭക്ഷ്യവസ്തുക്കളുടെ വിലയും ഉയരും.

രാജ്യത്തിന്റെ കറന്റ് അക്കൗണ്ട് കമ്മി. എന്‍ബിഎഫ്‌സികളുടെ സ്ഥിതി, ഫോറെക്‌സ് റിസര്‍വ് എന്നിവയെല്ലാം നല്ല നിലയിലാണെന്നും ആര്‍ബിഐ ഗവര്‍ണര്‍ പറഞ്ഞു.അതേസമയം, ആര്‍ബിഐ വായ്പനയത്തിന് പിന്നാലെ ബാങ്ക് നിഫ്റ്റിയില്‍ ഉയര്‍ച്ചയുണ്ടായി. എങ്കിലും ഇന്ത്യന്‍ ഓഹരി വിപണികള്‍ നഷ്ടത്തില്‍ തുടരുകയാണ്.

….