പറന്നുയരാൻ മിനിറ്റുകൾ ബാക്കി നിൽക്കെ ടാക്സിവേയിൽ വിമാനങ്ങൾ കൂട്ടിയിടിച്ചു; ഒഴിവായത് വൻ ദുരന്തം

ലൊസാഞ്ചൽസ്: ലൊസാഞ്ചൽസ് രാജ്യാന്തര വിമാനത്താവളത്തിൽ ടാക്സിവേയിൽ വച്ച് ഡെൽറ്റ എയർലൈൻസിന്റെയും എയർ കാനഡയുടെയും വിമാനങ്ങൾ തമ്മിൽ കൂട്ടിയിടിച്ചു. ഒക്ടോബർ 6നാണ് സംഭവം നടന്നത്. ഫെഡറൽ ഏവിയേഷൻ അഡ്മിനിസ്ട്രേഷൻ സംഭവത്തിൽ ഔദ്യോഗിക അന്വേഷണം ആരംഭിച്ചിട്ടുണ്ട്.

യാത്രാ ടേക്ക് ഓഫിനായി നീങ്ങുകയായിരുന്ന ഡെൽറ്റ എയർലൈൻസ് ഫ്ലൈറ്റ് 7-ന്റെ ഇടതുവശത്തെ ചിനപ്പ്, ലാൻഡിങ്ങിന് ശേഷം ഗേറ്റിലേക്ക് ടോ ചെയ്തു കൊണ്ടുപോകുകയായിരുന്ന എയർ കാനഡ ഫ്ലൈറ്റ് 785-ന്റെ ഹോറിസോണ്ടൽ സ്റ്റെബിലൈസറുമായി തട്ടുകയായിരുന്നുവെന്ന് ഫെഡറൽ ഏവിയേഷൻ അഡ്മിനിസ്ട്രേഷൻ പബ്ലിക് അഫയേഴ്സ് സ്പെഷ്യലിസ്റ്റ് ഡോണൽ എവൻസ് വ്യക്തമാക്കി.
..