തിരഞ്ഞെടുപ്പുകളിൽ TVKയ്ക്ക് ഒപ്പം തുടരും, തമിഴ്നാട്ടിൽ DMK സഖ്യം വിട്ട് മുസ്ലിം ലീഗും. ഇന്ന് ചേർന്ന ജനറൽ കൗൺസിൽ യോഗത്തിലാണ് തീരുമാനം. കോൺഗ്രസ്, വിസികെ പാർട്ടികൾ നേരത്തെ സഖ്യം വിട്ടിരുന്നു. വരും തിരഞ്ഞെടുപ്പുകളിൽ ടിവികെയ്ക്ക് ഒപ്പം തുടരുമെന്നും മുസ്ലിം ലീഗ് നേതൃത്വം വ്യക്തമാക്കി. പാർട്ടി ഡിഎംകെ സഖ്യത്തിൽ മത്സരിച്ച് 2 സീറ്റുകൾ നേടിയിരുന്നു. ഈ സാഹചര്യത്തിൽ ഇന്ന് പാർട്ടി പൊതുയോഗം നടന്നു.
ഇതിൽ 14 പ്രമേയങ്ങൾ പാസാക്കി. ചെന്നൈയിൽ നടന്ന പാർട്ടി ജനറൽ കൗൺസിൽ യോഗത്തിലാണ് ഈ തീരുമാനമെടുത്തത്. തദ്ദേശ സ്വയംഭരണ സ്ഥാപന തിരഞ്ഞെടുപ്പിൽ സഖ്യം സംബന്ധിച്ച തീരുമാനം പിന്നീട് എടുക്കുമെന്ന് ഐയുഎംഎൽ അറിയിച്ചു. 2026 ലെ നിയമസഭാ തിരഞ്ഞെടുപ്പിൽ ഡിഎംകെ രണ്ട് സീറ്റുകൾ ഐയുഎംഎല്ലിന് അനുവദിച്ചതിന് മാസങ്ങൾക്ക് ശേഷമാണ് ഈ നീക്കം.
പാപനാശത്തും വാണിയമ്പാടിയും മത്സരിച്ച പാർട്ടി രണ്ട് മണ്ഡലങ്ങളിലും വിജയിച്ചു. 1962 ൽ ആണ് IUML ആദ്യമായി DMK യുമായി സഖ്യമുണ്ടാക്കിയത്. തിരഞ്ഞെടുപ്പിന് ശേഷം പാപനാശം എംഎൽഎ എ എം ഷാജഹാൻ മുഖ്യമന്ത്രി സി ജോസഫ് വിജയ് നയിക്കുന്ന ടിവികെ നേതൃത്വത്തിലുള്ള സർക്കാരിൽ ഉൾപ്പെടുത്തി. നിലവിൽ ന്യൂനപക്ഷ ക്ഷേമ മന്ത്രിയായി സേവനമനുഷ്ഠിക്കുന്നു.
എറ്റവും പുതിയ വാർത്തകൾ വാട്സ്ആപ്പിൽ ലഭിക്കാൻ
Join Our WhatsApp Group
