നാലര വയസുകാരൻ മലാഖ് ഇന്ത്യ ബുക്ക്‌ ഓഫ് റെക്കോർഡ്സിൽ

കോട്ടയം: ചങ്ങനാശ്ശേരി ക്രിസ്തുജ്യോതി കിന്റർഗാർട്ടൻ സ്കൂളിലെ എൽകെജി വിദ്യാർഥിയായ നാലര വയസുള്ള മലാഖ് ഡെന്നിസ് ജോസഫ് ഇന്ത്യ ബുക്ക് ഓഫ് റെക്കോർഡ്‌സിൽ (IBR Achiever) ഇടം നേടി.

4 വയസ്സും 9 മാസം പ്രായമുള്ള മലാഖ് 20 നക്ഷത്രഗണങ്ങൾ, 8 ഗ്രഹങ്ങൾ, 5 കുള്ളൻ ഗ്രഹങ്ങൾ, 5 നക്ഷത്രക്കൂട്ടങ്ങൾ എന്നിവയുമായി ബന്ധപ്പെട്ടുള്ള 20 ചോദ്യങ്ങൾക്ക് 3 മിനിറ്റ് 37 സെക്കൻഡിൽ തെറ്റുകൂടാതെ ഉത്തരം നൽകിയാണ് ഈ നേട്ടം കൈവരിച്ചത്. ചെറിയ പ്രായത്തിൽ ഇതൊരു വലിയ നേട്ടമാണ്.

മാതാപിതാക്കൾക്കൊപ്പം ദുബായിൽ താമസിച്ചിരുന്ന കാലത്ത് രണ്ടു വയസ്സുള്ളപ്പോൾ തന്നെ മലാഖ് അസാമാന്യ ബുദ്ധിവൈഭവം പ്രകടിപ്പിച്ചിരുന്നു. ചങ്ങനാശ്ശേരി മൂലയിൽ കുടുംബാംഗം ഡെന്നീസിന്റെയും ദീപയുടെയും മകനാണ് മലാഖ്.