ചുട്ടുപൊള്ളുന്നതിനിടെ ആശ്വാസമായി മഴയെത്തുന്നു, രാജ്യത്തിന്റെ ചില ഭാഗങ്ങളിൽ ഇടിയോട് കൂടിയ മഴ മുന്നറിയിപ്പ് 

സഊദി: രാജ്യം ചുട്ടുപൊള്ളുന്നതിനിടെ ആശ്വാസമായി മഴയെത്തുന്നു. രാജ്യത്തിന്റെ വിവിധ ഭാഗങ്ങളിൽ ഇടിയോട് കൂടിയ മഴ മുന്നറിയിപ്പ്നൽകി ദേശീയ കാലാവസ്ഥ നിരീക്ഷണ കേന്ദ്രം.

അസീർ, ജസാൻ, അൽ-ബഹ എന്നിവയുൾപ്പെടെ നിരവധി പ്രദേശങ്ങളിൽ അടുത്ത ആഴ്ച അവസാനം വരെ ഇടിമിന്നലോടുകൂടിയ മഴ തുടരുമെന്ന് നാഷണൽ സെന്റർ ഫോർ മെറ്റീരിയോളജി പ്രവചിക്കുന്നു.

മക്ക മേഖലയിലെ ഉയർന്ന പ്രദേശങ്ങൾ, നജ്‌റാൻ മേഖല, റിയാദിന്റെ തെക്കൻ ഭാഗങ്ങൾ, കിഴക്കൻ മേഖലകൾ എന്നിവയും ബാധിത പ്രദേശങ്ങളിൽ ഉൾപ്പെടുന്നുവെന്ന് കേന്ദ്രം കൂട്ടിച്ചേർത്തു. ഔദ്യോഗിക വെബ്‌സൈറ്റ്, ഔദ്യോഗിക സോഷ്യൽ മീഡിയ, ഇൻറർനെറ്റ് എന്നിവയിലൂടെ ഏറ്റവും പുതിയ സംഭവവികാസങ്ങൾ പിന്തുടരാൻ കേന്ദ്രം ആവശ്യപ്പെട്ടു.

കടുത്ത ചൂട്, കുറഞ്ഞ ചൂട് 

രാജ്യത്തെ ചില നഗരങ്ങളിലെ പരമാവധി, കുറഞ്ഞ താപനില നാഷണൽ സെന്റർ ഫോർ മെറ്റീരിയോളജി പ്രവചിച്ചു, ദമ്മാമിൽ ഏറ്റവും ഉയർന്ന താപനില 47 ഡിഗ്രി സെൽഷ്യസും അബഹയിൽ ഏറ്റവും കുറഞ്ഞ താപനില 19 ഡിഗ്രി സെൽഷ്യസും രേഖപ്പെടുത്തുമെന്ന് കേന്ദ്രം പറഞ്ഞു.

ഇന്ന് പ്രതീക്ഷിക്കുന്ന പരമാവധി താപനില ദമ്മാമിൽ 47, റിയാദ് 44, മദീനയിൽ 42, മക്കയിലും നജ്‌റാനിലും 41, ജിദ്ദയിൽ 40 ഡിഗ്രി സെൽഷ്യസ് എന്നിങ്ങനെയാണെന്ന് കാലാവസ്ഥാ നിരീക്ഷണ കേന്ദ്രം അതിന്റെ ഔദ്യോഗിക വെബ്‌സൈറ്റിൽ അറിയിച്ചു.

തബൂക്ക് നഗരങ്ങളിലെ പരമാവധി താപനില 39, അബഹ 29, ബുറൈദ 43, അൽ-ബഹ 28, ജസാൻ, ഹായിൽ എന്നിവ 38 ഡിഗ്രി സെൽഷ്യസാണ്. ചില നഗരങ്ങളിലെ ഏറ്റവും കുറഞ്ഞ താപനില ഇപ്രകാരമായിരുന്നു: അബഹ 19, അൽ-ബഹ 20, മദീന 29, റിയാദ്, ജിദ്ദ 30, മക്ക 31, തബൂക്ക് 26, നജ്‌റാൻ 29 ഡിഗ്രി സെൽഷ്യസ്.