തിരുവനന്തപുരം: നെയ്യാറ്റിന്കര കാഞ്ഞിരംകുളത്ത് യുവാവ് കുത്തേറ്റ് മരിച്ചു. കണ്ണറവിള സ്വദേശി മനു ആണ് മരിച്ചത്. ബൈക്കുകളുടെ മത്സരയോട്ടത്തെ ചൊല്ലിയ നടന്ന തര്ക്കമാണ് കൊലപാതകത്തില് കലാശിച്ചത്. സംഭവവുമായി ബന്ധപ്പെട്ട് പ്രായപൂര്ത്തിയാകാത്ത ഒരാള് ഉള്പ്പെടെ നാല് പേരേ പൊലിസ് കസ്റ്റഡിയിലെടുത്തിട്ടുണ്ട്.
ഞായറാഴ്ച രാത്രി പത്തരയോടെയായിരുന്നു സംഭവം. വീടിന് മുന്നിലൂടെ അമിതവേഗത്തില് ബൈക്ക് റേസ് നടത്തി ശബ്ദമുണ്ടാക്കിയ സമീപവാസികളുമായി മനു വാക്കേറ്റത്തില് ഏര്പ്പെട്ടതായാണ് പ്രാഥമിക വിവരം. വാക്കുതര്ക്കം പിന്നീട് കൈയാങ്കളിയിലേക്കും തുടര്ന്ന് കത്തിക്കുത്തിലേക്കും മാറുകയായിരുന്നു.
ആക്രമണത്തില് ഗുരുതരമായി പരുക്കേറ്റ മനുവിനെ ഉടന് ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല. മൃതദേഹം നെയ്യാറ്റിന്കര ജനറല് ആശുപത്രി മോര്ച്ചറിയില് സൂക്ഷിച്ചിരിക്കുകയാണ്.
സംഭവവുമായി ബന്ധപ്പെട്ട് പ്രായപൂര്ത്തിയാകാത്ത ഒരാള് ഉള്പ്പെടെ നാല് പേരെ കസ്റ്റഡിയിലെടുത്തതായി പൊലിസ് അറിയിച്ചു. പ്രതികളെ ചോദ്യം ചെയ്തുവരികയാണെന്നും സംഭവത്തിന്റെ എല്ലാ സാഹചര്യങ്ങളും പരിശോധിച്ച് വിശദമായ അന്വേഷണം തുടരുകയാണെന്നും പോലിസ് വ്യക്തമാക്കി.
എറ്റവും പുതിയ വാർത്തകൾ വാട്സ്ആപ്പിൽ ലഭിക്കാൻ
Join Our WhatsApp Group
