ദമാം വിമാനത്താവളത്തിനു നേരെ ആക്രമണം: പ്രവാസി കൊല്ലപ്പെട്ടു

ദമാം: സഊദിയിലെ ദമ്മാമിലെ കിംഗ് ഫഹദ് അന്താരാഷ്ട്ര വിമാനത്താവളം ആക്രമണത്തിന് വിധേയമായതായി ജനറൽ അതോറിറ്റി ഓഫ് സിവിൽ ഏവിയേഷൻ അറിയിച്ചു.

ആക്രമണത്തിൽ ഒരു വിദേശി മരിക്കുകയും എട്ട് പേർക്ക് ചെറുതും ഗുരുതരവുമായ പരിക്കേൽക്കുകയും ചെയ്തു.

പരിക്കേറ്റവരെ ആവശ്യമായ വൈദ്യസഹായം ലഭ്യമാക്കുന്നതിനായി ഉടൻ തന്നെ ആശുപത്രിയിലേക്ക് മാറ്റിയതായി അതോറിറ്റി വിശദീകരിച്ചു.

ആക്രമണത്തിൽ ഉണ്ടായ നാശനഷ്ടങ്ങൾ വിലയിരുത്തി വരികയാണെന്നും അപ്ഡേറ്റുകൾ പിന്നീട് പ്രഖ്യാപിക്കുമെന്നും അതോറിറ്റി സ്ഥിരീകരിച്ചു.