തിരുവനന്തപുരം: അമ്മയ്‌ക്കെതിരെ ഇൻസ്റ്റഗ്രാമിൽ അശ്ലീല കമന്റിട്ടത് ചോദ്യംചെയ്തതിനു ബ്ലേഡ് കൊണ്ട് യുവാവിന്റെ ശരീരം വരഞ്ഞ് ഗുരുതര പരുക്കേൽപിച്ച കേസിൽ പ്രതി പിടിയിൽ. അമ്പലത്തറ മുട്ടാറ്റുവരമ്പ് വീട്ടിൽ ഷാൻ ഷിബുവിനെയാണ്(22) എറണാകുളത്തുനിന്ന് ഫോർട്ട് പൊലീസ് അറസ്റ്റ് ചെയ്തത്.
പുളിയറക്കോണം സ്വദേശിയെയാണ് ഷാൻ ആക്രമിച്ചത്. മർദിച്ച് അവശനാക്കിയെന്നും പൊലീസിൽ പരാതി ലഭിച്ചു. തലയിലും കഴുത്തിലും ബ്ലേഡ് ഉപയോഗിച്ച് ഗുരുതര പരിക്കേൽപിച്ചെന്നും കൈകളിൽ മുപ്പതോളം സ്റ്റാപ്ലർ പിൻ അടിച്ചു കയറ്റിയെന്നും പരാതിയിലുണ്ട്.
സംഭവത്തിനുശേഷം തമിഴ്നാട്ടിലും കേരളത്തിലും വിവിധ സ്ഥലങ്ങളിൽ ഒളിവിൽപോയ പ്രതിയെ പിടികൂടുന്നതിനായി ഫോർട്ട് സിഐ ആർ.എസ്.ശ്രീകാന്തിന്റെ നേതൃത്വത്തിൽ പ്രത്യേക സ്ക്വാഡ് രൂപീകരിച്ചിരുന്നു. എസ്ഐ ജഗ്‌മോഹൻ കൃഷ്ണമോഹൻ, സിപിഒമാരായ റഷീദ്, അജീഷ്, ശരത്ത് എന്നിവരും ചേർന്നാണു പ്രതിയെ അറസ്റ്റ് ചെയ്തത്.കോടതിയിൽ ഹാജരാക്കി റിമാൻഡ് ചെയ്തു.
…..
എറ്റവും പുതിയ വാർത്തകൾ വാട്സ്ആപ്പിൽ ലഭിക്കാൻ
Join Our WhatsApp Group
