അദാനി പോർട്ടും എംഎസ്‌സിയും കൈകോർക്കുന്നു; വിഴിഞ്ഞത്തേക്ക് ഇനി വിദേശ നിക്ഷേപം ഒഴുകും

തിരുവനന്തപുരം: വിഴിഞ്ഞം തുറമുഖത്തിലേക്ക് വൻ വിദേശനിക്ഷേപം. അദാനി പോർട്ടും എംഎസ്‌സിയും കൈകോർക്കുന്നതോടെ തുറമുഖത്തിൻ്റെ 49% ഓഹരി യൂറോപ്യൻ ഷിപ്പിങ് ഭീമനായ മെഡിറ്ററേനിയൻ ഷിപ്പിങ് കമ്പനി(എംഎസ്‌സി) സ്വന്തമാക്കും. 2.85 ബില്യൺ യുഎസ് ഡോളർ ആണ് ആകെ ഇടപാട് മൂല്യമായി കണക്കാക്കുന്നത്.

ഈ നിക്ഷേപത്തിലൂടെ ഇന്ത്യൻ മഹാസമുദ്ര മേഖലയിലെ പ്രധാന ട്രാൻസ്ഷിപ്പ് ഹബ്ബ് എന്ന നിലയിൽ വിഴിഞ്ഞം തുറമുഖത്തിൻ്റെ പ്രാധാന്യം കൂടുതൽ ശക്തിപ്പെടുത്തും. കൂടാതെ അദാനി കമ്പനിയും എംഎസ്‌സി ഗ്രൂപ്പും തമ്മിലുള്ള മൂന്നാമത്തെതും പ്രധാനപ്പെട്ടതുമായ സഹകരണ സംരംഭം ആണ് ഇതെന്നും അദാനി ഗ്രൂപ്പ് എക്സിൽ കുറിച്ചു.