Saturday, 18 May - 2024

കൊവിഡ് വർധിക്കുന്നു; ബഹ്‌റൈനിൽ ജൂൺ 10 വരെ കൂടുതൽ നിയന്ത്രണങ്ങൾ പ്രഖ്യാപിച്ചു, റെസ്റ്റോറന്റുകളിൽ ഡെലിവറി മാത്രം 

മനാമ: രാജ്യത്ത് കൊവിഡ് ​ രോഗികളുടെ എണ്ണം വർധിക്കുന്ന സാഹചര്യത്തിൽ നിയന്ത്രണങ്ങൾ കൂടുതൽ ശക്​തമാക്കി. ഇന്ന് ​ അർദ്ധ രാത്രി മുതൽ ജൂൺ 10 വരെയാണ് കവിഡ്​ പ്രതിരോധത്തിനുള്ള നാഷണൽ മെഡിക്കൽ ടീം​ കർശന നിയന്ത്രണങ്ങൾ പ്രഖ്യാപിച്ചത്​.

മാളുകൾ, സ്​പോർട്​സ്​ സെൻററുകൾ, നീന്തൽക്കുളങ്ങൾ, ബീച്ചുകൾ, റസ്​റ്റോറൻറുകൾ, കഫേകൾ എന്നിവ അടച്ചിടും. ഇവിടങ്ങളിൽ ഡെലിവറി അനുവദിച്ചിട്ടുണ്ട്​.  അതേസമയം, ഹൈപ്പർമാർക്കറ്റുകൾ, സൂപ്പർ മാർക്കറ്റുകൾ, കോൾഡ്​ സ്​റ്റോറുകൾ എന്നിവ പ്രവർത്തിക്കും. സർക്കാർ ഓസുകളിൽ 70 ശതമാനം വരെ ജീവനക്കാർക്ക്​ വീട്ടിലിരുന്ന്​​ ജോലി അനുവദിക്കും. മുൻകരുതലുകൾ കർശനമായി പാലിക്കാൻ എല്ലാവരും തയ്യാറാകണമെന്ന്​ നാഷണൽ മെഡിക്കൽ ടീം ആഹ്വാനം ചെയ്​തു.

ബാർബർ ഷോപ്പുകൾ, സലൂണുകൾ, സ്​പാ സെന്ററുകൾ, സിനിമാ തിയറ്ററുകൾ എന്നിവ അടച്ചിടും, കോൺഫറൻസുകളും മറ്റ്​ പരിപാടികളും അനുവദിക്കില്ല, കായിക മത്സരങ്ങളിൽ കാണികൾ പാടില്ല, വീടുകളിലെ സ്വകാര്യ ചടങ്ങുകൾ നടത്തരുത്​, സ്​കൂളുകൾ, ഉന്നത വിദ്യാഭ്യാസ സ്​ഥാപനങ്ങൾ, കിൻറർഗാർട്ടനുകൾ, പുനരധിവാസ കേന്ദ്രങ്ങൾ, നഴ്​സറികൾ, ട്രെയിനിങ്​ സെൻററുകൾ എന്നിവിടങ്ങളിൽ ഓൺലൈൻ പഠനം മാത്രമായിരിക്കും അനുവദിക്കുക.

അന്താരാഷ്​ട്ര പരീക്ഷകളിൽ പങ്കെടുക്കുന്നതിന്​ ഇളവ്​ അനുവദിച്ചിട്ടുണ്ട്. അതേസമയം, ബഹ്​റൈനിലേക്ക്​ വരുന്ന യാത്രക്കാർക്ക്​ പ്രഖ്യാപിച്ചിട്ടുള്ള യാത്രാ നിയന്ത്രണങ്ങൾ തുടരും.

Most Popular

error: