ഇടതുമായി സഹകരിക്കുന്നവരെ ചേർത്ത് നിർത്തും; എൻസിപി ദേശീയ നേതൃത്വവുമായി ഇനി സഹകരിക്കില്ലെന്ന് എ.കെ. ശശീന്ദ്രൻ

തിരുവനന്തപുരം: എൻസിപിയിൽ ഇടതുപക്ഷത്തിനൊപ്പം നിൽക്കാൻ ആഗ്രഹിക്കുന്നവരെ ഒരുമിപ്പിക്കാനാണ് നീക്കമെന്ന് എ.കെ. ശശീന്ദ്രൻ പറഞ്ഞു. എൻസിപി ദേശീയ നേതൃത്വവുമായി ഇനി സഹകരിക്കില്ല. സമാനചിന്താഗതിക്കാരെ ഒന്നിച്ചുനിർത്തുമെന്നും എ.കെ. ശശീന്ദ്രൻ പറഞ്ഞു.

അടുത്ത മാസം 11ന് ചേരുന്ന ജനറൽ ബോഡി യോഗത്തിൽ ഭാവി തീരുമാനമെടുക്കും. എൻസിപിയിൽ നിന്ന് പുറത്താക്കപ്പെട്ടവരെയും, പുറത്ത് പോയവരെയും തിരികെ വിളിക്കും.