സഊദി മൈനിങ് കമ്പനിയായ മആദിൻ കമ്പനിയുടെ ലാഭത്തിൽ വൻ ഇടിവ്

റിയാദ് : സഊദിയിൽ പ്രമുഖ വൻകിട കമ്പനികൾക്ക് കനത്ത നഷ്ടമെന്നു റിപ്പോർട്ടുകൾ. മേഖലയിൽ ഉരുണ്ടു കൂടിയ യുദ്ധക്കെടുതിയാണ് കമ്പനികളെ കനത്ത നഷ്ടത്തിലേക്ക് കൂപ്പ് കുത്തിക്കുന്നത്. ഹോർമുസ് കടലിടുക്കിൽ കുടുങ്ങി ഉത്പാദിപ്പിക്കുന്ന സാധനങ്ങൾ കയറ്റുമതി നടത്താൻ സാധിക്കാതെയും റോ മെറ്റിരിയലുകൾ ലഭിക്കാതെയും ഉത്പാദനം മുടങ്ങിയതാണ് വൻ നഷ്ടത്തിലേക്ക് കൂപ്പ് കുത്താൻ ഇടയാക്കിയതെന്നും റിപ്പോർട്ടുകൾ സൂചിപ്പിക്കുന്നു. സഊദി മൈനിങ് കമ്പനിയായ മആദിൻ, തസ്‌നി, ആഡിസ് തുടങ്ങിയ കമ്പനികളാണ് റിപ്പോർട്ട് പുറത്ത് വിട്ടത്.

സഊദി മൈനിങ് കമ്പനിയായ മആദിൻ കമ്പനിയുടെ ലാഭം മൂന്നാം പാദത്തിൽ 24% കുറഞ്ഞ് 1.7 ബില്യൺ സഊദി റിയാലായി. കമ്പനിയുടെ 2026 ലെ ആദ്യ ഒമ്പത് മാസങ്ങളുടെ അവസാനത്തോടെ ലാഭം 3% കുറഞ്ഞ് 5.5 ബില്യൺ സഊദി റിയാലായി. കൂടാതെ അറ്റാദായം ഏകദേശം 522.8 ദശലക്ഷം റിയാൽ അഥവാ 23.7% കുറഞ്ഞ് ഏകദേശം 1.68 ബില്യൺ റിയാലിലെത്തി. മുൻ വർഷത്തെ ഇതേ പാദത്തിലെ ഏകദേശം 2.21 ബില്യൺ റിയാലുകളിൽ നിന്ന് ഇത് ഏകദേശം 1.68 ബില്യൺ റിയാലായി.

ഫോസ്ഫേറ്റ് ബിസിനസ് യൂണിറ്റിലെ വിൽപ്പനച്ചെലവിലെ വർദ്ധനവും, വിതരണ ശൃംഖലകളുടെയും അസംസ്കൃത വസ്തുക്കളുടെയും, പ്രത്യേകിച്ച് സൾഫറിന്റെയും ചെലവുകളിലെ വർദ്ധനവും അമോണിയ കയറ്റുമതിയിൽ നിന്നുള്ള വിൽപ്പനയുടെ അഭാവത്തെ ബാധിച്ചതും മൊത്തം ലാഭത്തിൽ 29.5% കുറവുണ്ടാക്കിഎന്നും കമ്പനി റിപ്പോർട്ടിൽ പറയുന്നു.

അതേസമയം, 2026 ലെ രണ്ടാം പാദവുമായി താരതമ്യപ്പെടുത്തുമ്പോൾ വരുമാനം ഏകദേശം 201.1 ദശലക്ഷം റിയാൽ അഥവാ 1.8% വർദ്ധിച്ചതായി കമ്പനി തിങ്കളാഴ്ച തദാവുലിൽ നടത്തിയ പ്രസ്താവനയിൽ വെളിപ്പെടുത്തി. സ്വർണ്ണ ബിസിനസ് യൂണിറ്റിലെ വിൽപ്പന അളവിലുണ്ടായ വർധനവിന്റെയും ഫോസ്ഫേറ്റ് ബിസിനസ് യൂണിറ്റിലെ ഉൽപ്പന്നങ്ങളുടെ വിൽപ്പന വിലയിലെ വർദ്ധനവിന്റെയും ഫലമായി വരുമാനം ഏകദേശം 201.1 ദശലക്ഷം റിയാലുകൾ വർദ്ധിച്ചു.

അലുമിനിയം, സ്വർണ്ണ യൂണിറ്റുകൾക്കുള്ള ഉൽപ്പന്നങ്ങളുടെ വിൽപ്പന വിലയിലെ കുറവും ഫോസ്ഫേറ്റ് ബിസിനസ് യൂണിറ്റിലെ വിൽപ്പന അളവിലെ കുറവും ഇതിന് ഭാഗികമായി പരിഹാരമായി.