- ലാൻഡ് പോർട്ടുകൾ വഴി എത്തുന്നവർക്കാണ് ഈ സേവനം
- യാത്രക്കാരുടെയും വാഹനങ്ങളുടെയും പ്രവേശന നടപടിക്രമങ്ങൾ ഈ സേവനം യാന്ത്രികമായി സുഗമമാക്കുന്നു.
റിയാദ്: സഊദിയിലേക്ക് കരമാർഗ്ഗം എത്തുന്നവർക്കായി പുതിയ സേവനം ആരംഭിച്ച് അബഷിർ. രാജ്യത്തെ വിവിധ ലാൻഡ് പോർട്ടുകളിലൂടെയും വരുന്നവർക്കും, ഗൾഫ് സഹകരണ കൗൺസിൽ രാജ്യങ്ങളിലെ പൗരന്മാർക്കും, സന്ദർശകർക്കും വേണ്ടി, അബ്ഷർ ആപ്ലിക്കേഷൻ വഴി ഇലക്ട്രോണിക് ആയി “അബ്ഷർ ട്രാവൽ ഫോർ വിസിറ്റേഴ്സ്” സേവനം ആഭ്യന്തര മന്ത്രാലയം ആരംഭിച്ചു. ലോഞ്ച് തീയതിക്ക് 6 മാസത്തിന് ശേഷം ഈ സേവനം പ്രാബല്യത്തിൽ വരും
വിദേശകാര്യ, ടൂറിസം മന്ത്രാലയങ്ങൾ, സഊദി ഡാറ്റ ആൻഡ് ആർട്ടിഫിഷ്യൽ ഇന്റലിജൻസ് അതോറിറ്റി, സകാത്ത്, ടാക്സ് ആൻഡ് കസ്റ്റംസ് അതോറിറ്റി, കമ്മ്യൂണിക്കേഷൻസ്, സ്പേസ് ആൻഡ് ടെക്നോളജി കമ്മീഷൻ, ഇൻഷുറൻസ് അതോറിറ്റി, ജനറൽ ഡയറക്ടറേറ്റ് ഓഫ് പാസ്‌പോർട്ട്സ്, പബ്ലിക് സെക്യൂരിറ്റി എന്നിവയുമായി സഹകരിച്ചാണ് ഈ സേവനം നടപ്പിലാക്കുന്നതെന്ന് ആഭ്യന്തര മന്ത്രാലയം വിശദീകരിച്ചു.
യാത്രക്കാരെയും വാഹനങ്ങളെയും പ്രത്യക പരിശോധന നടപടികൾ കൂടാതെ തന്നെ ഓട്ടോമാറ്റിക് ആയി രാജ്യത്തേക്ക് പ്രവേശിപ്പിക്കുന്നതിനുള്ള നടപടിക്രമങ്ങൾ സുഗമമാക്കാൻ സന്ദർശകരെ അനുവദിക്കുന്നുവെന്ന് ബന്ധപ്പെട്ടവർ സൂചിപ്പിച്ചു. യാത്രാ ചെക്ക്-ഇൻ പൂർത്തിയാക്കി തുറമുഖത്ത് എത്തുന്നതിനുമുമ്പ് ഡിജിറ്റലായി ആവശ്യകതകൾ പൂർത്തിയാക്കി യാത്രക്കാരുടെയും വാഹനങ്ങളുടെയും ഡാറ്റ രജിസ്റ്റർ ചെയ്യുകയും വാഹനം സുരക്ഷിതമാക്കുന്നതിനുള്ള പ്രക്രിയ പൂർത്തിയാക്കുകയും ചെയ്യുന്നതിലൂടെയാണ് ഈ സേവനം ലഭ്യമാകുക.
യാത്രയ്ക്ക് മുമ്പ് “അബ്ഷർ ട്രാവൽ ഫോർ വിസിറ്റേഴ്സ്” എന്നത് തിരഞ്ഞെടുത്ത് ദേശീയത മൊബൈൽ നമ്പറും പോളിസി തരവും നൽകി, പോർട്ടും യാത്രയുടെ പ്രതീക്ഷിക്കുന്ന തീയതിയും വ്യക്തമാക്കി, വാഹനം, ഇൻഷുറൻസ് ഡാറ്റ പർത്തിയാക്കി സന്ദർശകർക്ക് സേവനം പ്രയോജനപ്പെടുത്താമെന്ന് മന്ത്രാലയം ചൂണ്ടിക്കാട്ടി. രാജ്യത്തേക്ക് വരുന്ന സന്ദർശകർക്ക് നൽകുന്ന ഇലക്ട്രോണിക് സേവനങ്ങളുടെ ഗുണനിലവാരം ഉയർത്തുന്നതിനും അവരുടെ അനുഭവം മെച്ചപ്പെടുത്തുന്നതിനും ലാൻഡ് പോർട്ടുകൾ വഴിയുള്ള വരവ് സുഗമമാക്കുന്നതിനുമുള്ള ആഭ്യന്തര മന്ത്രാലയത്തിന്റെ ശ്രമങ്ങളുടെ ഭാഗമായാണ് ഈ സേവനം വരുന്നത്.
എറ്റവും പുതിയ വാർത്തകൾ വാട്സ്ആപ്പിൽ ലഭിക്കാൻ
Join Our WhatsApp Group
