റിയാദ്: സഊദി അറേബ്യയിലെ പെട്രോൾ പമ്പുകളിൽ ഇന്ധനം നിറയ്ക്കാൻ കയറുമ്പോൾ അവിടെ ‘ഗ്രീൻ സ്റ്റാൻഡേർഡൈസേഷൻ ലേബൽ’ പതിച്ചിട്ടുണ്ടോ എന്ന് ഉറപ്പുവരുത്താമെന്ന് നിർദേശം. സർവീസ് സെന്ററുകളുടെയും ഇന്ധന സ്റ്റേഷനുകളുടെയും സ്റ്റാൻഡിംഗ് എക്സിക്യൂട്ടീവ് കമ്മിറ്റി തങ്ങളുടെ ഔദ്യോഗിക പ്ലാറ്റ്ഫോമായ ‘സഊദി ഫ്യൂവൽ’ വഴിയാണ് ഉപഭോക്താക്കളോട് ഈ സുപ്രധാന വിവരം പങ്കുവെച്ചത്.
വാർത്തകളും ജോബ് വേക്കൻസികളും വാട്സ് ആപ്പിൽ ലഭിക്കുവാൻ ഇവിടെ അമർത്തി ഗ്രൂപ്പിൽ അംഗമാകുക
ഈ ലോഗോ കണ്ടാൽ നിങ്ങൾക്ക് ധൈര്യമായി പെട്രോൾ അടിക്കാം. കാരണം, ഈ പമ്പ് കൃത്യമായ അളവുകളും മികച്ച ഗുണനിലവാരവും ഉറപ്പാക്കുന്ന എല്ലാ നിയമപരമായ പരിശോധനകളിലും വിജയിച്ചിട്ടുണ്ട് എന്നതിന്റെ ഔദ്യോഗിക അടയാളമാണിത്. കഴിഞ്ഞ ദിവസം പെട്രോൾ നിറ വ്യത്യാസമുള്ള വീഡിയോ പുറത്ത് വന്നതോടെ പെട്രോൾ ഗുണ നിലവാരത്തെ കുറിച്ച് ചർച്ചകൾ ഉയർന്നിരുന്നു
സഊദിയിൽ പെട്രോളിന്റെ നിറവ്യത്യാസം; ചർച്ചയായതോടെ വിശദീകരണവുമായി സഊദി ഫ്യുവൽ
സഊദി സ്റ്റാൻഡേർഡ്സ്, മെട്രോളജി, ക്വാളിറ്റി ഓർഗനൈസേഷൻ പുറത്തിറക്കുന്ന ഈ ലേബൽ, ഇന്ധനം നിറയ്ക്കുന്നതിനുള്ള എല്ലാ മാനദണ്ഡങ്ങളും പാലിക്കപ്പെടുന്നുണ്ടെന്ന് ഉറപ്പുനൽകുന്നു. അതുകൊണ്ട്, നിങ്ങൾ നൽകുന്ന പണത്തിന് കൃത്യമായ അളവിൽ ഇന്ധനം ലഭിക്കുമെന്ന് വിശ്വസിക്കാം.
ഈ ലേബൽ മറയ്ക്കുകയോ നീക്കം ചെയ്യുകയോ ചെയ്യുന്നത് നിയമപ്രകാരം ശിക്ഷാർഹമായ കുറ്റമാണെന്നും അധികൃതർ മുന്നറിയിപ്പ് നൽകുന്നുണ്ട്. ലേബലിൽ ഒരു ക്യുആർ കോഡ് ഉണ്ടാകും. ഇത് സ്കാൻ ചെയ്താൽ പമ്പിന്റെ അംഗീകൃത നിലയും സാങ്കേതിക പരിശോധനാ വിവരങ്ങളും നിങ്ങൾക്ക് നേരിട്ട് പരിശോധിക്കാനാകും.
ഇത് ഇന്ധന സ്റ്റേഷനുകളുടെ സേവനങ്ങളിൽ കൂടുതൽ സുതാര്യത കൊണ്ടുവരാനും ഉപഭോക്താക്കൾക്ക് ആത്മവിശ്വാസം വർദ്ധിപ്പിക്കാനും സഹായിക്കും.
സേവന നിലവാരം മെച്ചപ്പെടുത്തന്നതിനും ഉപഭോക്തൃ അവകാശങ്ങൾ സംരക്ഷിക്കുന്നതിനുമുള്ള സൗദി അറേബ്യയുടെ പ്രതിബദ്ധതയുടെ ഭാഗമായാണ് ഈ നടപടി. അതിനാൽ, അടുത്ത തവണ പെട്രോളടിക്കുമ്പോൾ ഈ ‘ഗ്രീൻ ലേബൽ’ ഉണ്ടോയെന്ന് ഉറപ്പുവരുത്താൻ മറക്കരുത്!.
സഊദിയിൽ പെട്രോളിന്റെ നിറവ്യത്യാസം; ചർച്ചയായതോടെ വിശദീകരണവുമായി സഊദി ഫ്യുവൽ
വാർത്തകളും ജോബ് വേക്കൻസികളും വാട്സ് ആപ്പിൽ ലഭിക്കുവാൻ ഇവിടെ അമർത്തി ഗ്രൂപ്പിൽ അംഗമാകുക
