Wednesday, 17 April - 2024

സഊദി തിരിച്ചുവരവിന്റെ പാതയിൽ; വിനോദ പരിപാടികൾ പുനഃരാരംഭിക്കുന്നു, വാക്സിൻ എടുത്തവർക്ക് പങ്കെടുക്കാം

റിയാദ്: രാജ്യത്തെ വിനോദ പരിപാടികൾ പുനഃരാരംഭിക്കാൻ തീരുമാനം. വാക്സിൻ സ്വീകരിച്ചവർക്ക് പങ്കെടുക്കാവുന്ന തരത്തിലാണ് പുനഃരാഭിക്കുന്നത്. ജനറൽ എന്റർടൈൻമെന്റ് അതോറിറ്റിയാണ് ഇക്കാര്യം അറിയിച്ചത്. പബ്ലിക് ഹെൽത്ത് അതോറിറ്റി (വിഖായ) അംഗീകരിച്ച നടപടിക്രമങ്ങൾക്കനുസൃതമായി രോഗം പടരുന്നത് തടയാൻ ഏർപ്പെടുത്തിയിരിക്കുന്ന നിയന്ത്രണങ്ങളിൽ ഇളവ് ഏർപ്പെടുത്താൻ തുടങ്ങിയതോടെയാണ് പ്രഖ്യാപനമെന്ന് അറബ് ന്യൂസ്‌ റിപ്പോർട്ട് ചെയ്തു.

പകർച്ചവ്യാധിയുടെ വ്യാപനം കാരണം മുമ്പ് നിർത്തിവച്ചിരുന്ന വിനോദ വേദികൾ 40 ശതമാനം ശേഷിയിലായിരിക്കും തുറക്കാൻ അനുവദിക്കുക. രോഗപ്രതിരോധ കുത്തിവയ്പ് ലഭിച്ചവർക്ക് തവക്കൽന ആപ്പ് അനുസരിച്ച് ഇമ്മ്യുണൈസ്ഡ് ആയവർക്കായിരിക്കും വിനോദ കേന്ദ്രങ്ങളിലേക്ക് പ്രവേശനം അനുവദിക്കുക. വിവിധ ഇവന്റ് സൈറ്റുകളിൽ സാമൂഹിക അകലം പാലിക്കൽ, മാസ്ക് ധരിക്കുക, അണുനശികരണം എന്നിവ പോലുള്ള മുൻകരുതൽ നടപടികൾ പൂർണ്ണമായും നടപ്പാക്കണമെന്നും നിർദേശമുണ്ട്.

എല്ലാ ഇവന്റുകൾക്കുമായുള്ള ടിക്കറ്റുകൾ ഓൺലൈനിൽ വിൽക്കുകയും പരിമിതപ്പെടുത്തുകയും ചെയ്യും. സന്ദർശകർക്കായി കൃത്യമായ പ്രവേശന സമയം സജ്ജമാക്കിയിരിക്കണം. താപനില അളക്കുന്നതും ശ്വസന ലക്ഷണങ്ങളെക്കുറിച്ച് അന്വേഷിക്കുന്നതും ഉൾപ്പെടെയുള്ള റിപ്പോർട്ടിംഗ്, നിരീക്ഷണ ആവശ്യങ്ങൾക്കായി എല്ലാ പ്രധാന പ്രവേശന കവാടങ്ങളിലും പരിശോധന കേന്ദ്രങ്ങൾ സ്ഥാപിക്കണം.

ഉയർന്ന താപനിലയോ ശ്വസന ലക്ഷണങ്ങളോ ഉള്ള സന്ദർശകരേയും ഉപഭോക്താക്കളേയും പ്രവേശിക്കുന്നത് തടയും. ഉയർന്ന താപനിലയുള്ള ജീവനക്കാർക്കിടയിൽ കണ്ടെത്തിയാൽ റിപ്പോർട്ട് ചെയ്യാനും അവരെ തടയാനും സംഘാടകരോട് അഭ്യർത്ഥിച്ചു.

സഊദി വാർത്തകൾക്ക് ഗ്രൂപ്പിൽ അംഗമാകാം👇

https://chat.whatsapp.com/BeFSmuvAqHZK8BJjS1rU4V

Most Popular

error: