കിഴക്കൻ സഊദിയിലെ ദമാമിൽ നിന്നടക്കം വിവിധ രാജ്യങ്ങളിലേക്ക് ഗൾഫ് വിമാന കമ്പനികളുടെ നേരിട്ടുള്ള സർവീസുകൾ ആരംഭിച്ചു. സഊദി വ്യോമ പാതകളിൽ ഇപ്പോഴും കാര്യമായ ഭീഷണികൾ ഇല്ലെന്നതും ഗൾഫ് വിമാന കമ്പനികളെ സഊദി അടിസ്ഥാനമാക്കി സർവ്വീസുകൾ നടത്താനും പ്രേരിപ്പിക്കുന്നുണ്ട്.

അയൽ രാജ്യം കൂടിയായ ബഹ്‌റൈൻ ദേശീയ വിമാന കമ്പനി തങ്ങളുടെ ഒട്ടുമിക്ക സർവ്വീസുകളും ദമാമിൽ നിന്നാണ് നിലവിൽ സർവ്വീസുകൾ ഒപ്പറേറ്റ് ചെയ്യുന്നത്. യുദ്ധം തുടക്കത്തിൽ തന്നെ ദമാം കിങ് ഫഹദ് അന്താരാഷ്ട്ര വിമാനത്താവളത്തിൽ നിന്ന് ആരംഭിച്ച ഗൾഫ് എയർ സർവ്വീസുകൾ പിന്നീട്  ഗൾഫ് എയർ ഔദ്യോഗികമായി വികസിപ്പിക്കുകയും ചെയ്തിട്ടുണ്ട്. ദമാമിൽ നിന്ന് കെയ്‌റോ, ലണ്ടൻ, ബാങ്കോക്ക്, മനില, പാരീസ്, നെയ്‌റോബി, കാസബ്ലാങ്ക, ഫ്രാങ്ക്ഫർട്ട് എന്നിവയുൾപ്പെടെ പുതിയ അന്താരാഷ്ട്ര ലക്ഷ്യസ്ഥാനങ്ങളിലേക്ക് കൂടി സർവീസുകൾ ആരംഭിച്ചതായി ഗൾഫ് എയർ പ്രഖ്യാപിച്ചിട്ടുണ്ട്.

കുവൈത്തിന്റെ ദേശീയ വിമാന കമ്പനിയായ കുവൈത് എയറും സർവ്വീസ് ഓപ്പറേഷൻ ദമാം വഴി ആക്കിയിട്ടുണ്ട്. മർച്ച് 22 മുതൽ കിംഗ് ഫഹദ് അന്താരാഷ്ട്ര വിമാനത്താവളം വഴി ലോകമെമ്പാടുമുള്ള നിരവധി സ്ഥലങ്ങളിലേക്ക് കുവൈറ്റ് എയർവേയ്‌സ് സർവീസുകൾ ആരംഭിക്കുമെന്ന് ദമാം എയർപോർട്ട് കമ്പനി പ്രഖ്യാപിച്ചു. ലണ്ടൻ, കെയ്‌റോ, ഇസ്താംബുൾ, അമ്മാൻ, പാരീസ് എന്നിവ ഉൾപ്പെടുന്ന സ്ഥലങ്ങൾ വ്യോമയാന കണക്റ്റിവിറ്റി മെച്ചപ്പെടുത്തുകയും യാത്രക്കാർക്ക് വിശാലമായ യാത്രാ സൗകര്യങ്ങൾ നൽകുകയും ചെയ്യുന്നു.

മേഖലയിലെ യുദ്ധം കാരണം ബഹ്‌റൈൻ വ്യോമാതിർത്തി തുടർച്ചയായി അടച്ചിട്ടിരിക്കുന്ന സാഹചര്യത്തിൽ ഗൾഫ് എയറിന്റെ പ്രവർത്തനങ്ങൾക്ക് സൗകര്യമൊരുക്കുന്നതിൽ ദമാം വിമാനത്താവളത്തിന് ഇത് ഒരു വിജയമായി കണക്കാക്കപ്പെടുന്നു.

കുവൈത്തിലെ തന്നെ മറ്റൊരു പ്രധാന വിമാന കമ്പനിയായ ജസീറ എയർവൈസും ഇറാഖ് എയർവൈസും സർവീസുകൾ സഊദി കേന്ദ്രീകരിച്ചു മാറ്റിയിട്ടുണ്ട്. ബഹ്‌റൈൻ, കുവൈത് ദേശീയ വിമാന കമ്പനികളായ ഗൾഫ് എയറും കുവൈത് എയറും സഊദിയിലെ ദമാം വിമാനത്താവളത്തിൽ നിന്ന് സർവീസുകൾ നടത്തുമ്പോൾ, കുവൈറ്റിലെ ജസീറ എയർവേയ്‌സ് സഊദിയിലെ ഖൈസുമ വിമാനത്താവളത്തിൽ നിന്നും ഇറാഖി എയർവേയ്‌സ് അറാർ വിമാനത്താവളത്തിൽ നിന്നുമാണ് സർവ്വീസുകൾ സജ്ജീകരിക്കുന്നത്.

The post സഊദി എയർപോർട്ടുകൾ ഗൾഫ് രാജ്യങ്ങളിലെ വിമാന കമ്പനികളുടെ ഒപ്പറേറ്റിങ് കേന്ദ്രങ്ങളാകുന്നു; ദമാമിൽ നിന്നടക്കം വിവിധ രാജ്യങ്ങളിലേക്ക് ഗൾഫ് വിമാന കമ്പനികളുടെ നേരിട്ടുള്ള സർവീസുകൾ appeared first on Malayalam Press.

വാർത്തകളും ജോബ് വേക്കൻസികളും നേരിട്ട് ഉടൻ ലഭിക്കാൻ ഞങ്ങളുടെ വാട്ട്സ്സാപ്പ് ചാനൽ ഫോളോ ചെയ്യൂ…. ഇവിടെ ക്ലിക്ക് ചെയ്യുക

വാർത്തകളും ജോബ് വേക്കൻസികളും വാട്സ് ആപ്പിൽ ലഭിക്കുവാൻ ഇവിടെ അമർത്തി ഗ്രൂപ്പിൽ അംഗമാകുക

ദുബായ് ഇന്റർനാഷണൽ (DXB), ദുബായ് വേൾഡ് സെൻട്രൽ – അൽ മക്തൂം ഇന്റർനാഷണൽ (DWC) എന്നിവയ്ക്ക്  കാര്യമായ കാലതാമസമോ റദ്ദാക്കലോ ഉണ്ടായേക്കാമെന്ന് ദുബായ് വിമാനത്താവളങ്ങൾ തിങ്കളാഴ്ച അറിയിച്ചിട്ടുണ്ട്.

ഇസ്റാഈൽ -ഇറാൻ സംഘർഷം രൂക്ഷമാകുന്നതുമായി ബന്ധപ്പെട്ട് ഇറാൻ, ഇറാഖ്, സിറിയ എന്നിവിടങ്ങളിലെക്കുള്ള വ്യോമാതിർത്തികളാണ് അടച്ചത്. ഇതാണ് കേരളം ഉൾപ്പെടെ വിമാനങ്ങൾ തടസ്സങ്ങൾക്ക് കാരണം. വിമാനത്താവളത്തിലേക്ക് പോകുന്നതിനുമുമ്പ് ഏറ്റവും പുതിയ ഫ്ലൈറ്റ് അപ്‌ഡേറ്റുകൾക്കായി അവരുടെ എയർലൈനുകളുമായി പരിശോധിക്കാൻ അധികൃതർ യാത്രക്കാരോട് അഭ്യർത്ഥിച്ചു. അബുദാബി വിമാനത്താവളവും (AUH) സമാനമായ മുന്നറിയിപ്പ് നൽകിയിട്ടുണ്ട്.

കേരളത്തിൽ നിന്ന് എയർ ഇന്ത്യ എക്സ്പ്രസ് മാത്രം ഗൾഫിലേക്കുള്ള ആറോളം സർവിസുകൾ റദ്ദാക്കിയതായി യാത്രക്കാരെ അറിയിച്ചിട്ടുണ്ട്. തിങ്കളാഴ്ച പുറപ്പെടേണ്ട കണ്ണൂർ -ഷാർജ വിമാനവും എയർ ഇന്ത്യ എക്സ്പ്രസ് റദ്ദാക്കി. യുദ്ധത്തിന്റെ പശ്ചാത്തലത്തിൽ ഇറാൻ വ്യോമപാത അടച്ചിരിക്കുകയാണ്. നേരത്തെയുള്ള സംഘർഷത്തെ തുടർന്ന് ഇന്ത്യൻ വിമാനങ്ങൾക്ക് പാകിസ്താനും വ്യോമപാത അനുവദിക്കുന്നില്ല. ഈ വ്യോമപാതകൾ ഒഴിവാക്കി വിമാനങ്ങൾ പലതും ഒമാൻ വ്യോമപാതിയിലേക്ക് മാറിയിരിക്കുകയാണ്. ഇതോടെ ഈ പാതയിൽ എയർട്രാഫിക് ഗണ്യമായി വർധിച്ചിട്ടുണ്ട്.

ബുധനാഴ്ച പോകേണ്ട എയർ ഇന്ത്യ എക്സ്പ്രസിന്റെ ഷാർജ-കോഴിക്കോട് വിമാനം, മംഗലാപുരം-ദുബൈ വിമാനം, കൊച്ചി-ഷാർജ വിമാനം, കണ്ണൂർ-ഷാർജ വിമാനം, വ്യാഴാഴ്ച പുറപ്പെടേണ്ട വിവിധ വിമാനങ്ങൾ എന്നിവ റദ്ദാക്കിയതായി എയർ ഇന്ത്യ എക്സ്പ്രസ് യാത്രക്കാരെ അറിയിച്ചിട്ടുണ്ട്. വിവിധ ഗൾഫ് രാജ്യങ്ങളിൽ നിന്ന് നാട്ടിലേക്കുള്ള സർവീസുകളും റദ്ദാക്കപ്പെടുന്നവയിൽ ഉൾപ്പെടും.

ബഹ്‌റൈൻ- കോഴിക്കോട്, കോഴിക്കോട്- ബഹ്‌റൈൻ സർവിസും റദ്ദാക്കിയിട്ടുണ്ട്. കോഴിക്കോട്-കുവൈത്ത് സർവിസ് മൂന്നു മണിക്കൂറും, കണ്ണൂർ സർവീസ് മണിക്കൂറുകളും വൈകി. മസ്കത്ത്-കണ്ണൂർ, മസ്കത്ത്-കോഴിക്കോട് സർവീസുകളും വൈകി.

അപ്രതീക്ഷിതമായി വിമാന സർവീസുകൾ താളം തെറ്റുന്നത് നിരവധി യാത്രക്കാരെയാണ് ബുദ്ധിമുട്ടിലാകും. പ്രത്യേകിച്ച് ഗൾഫിലെ വേനലവധിക്ക് കുടുംബങ്ങൾ നാട്ടിലേക്ക് മടങ്ങുന്ന സമയം കൂടിയാണ് എന്നതിനാൽ നിരവധി പേർക്ക് വലിയ പ്രയാസം സൃഷ്ടിക്കും. മേഖലയിലെ സാഹചര്യത്തിന് അനുസരിച്ച് വിമാന സർവീസുകൾ തടസപ്പെടാൻ സാധ്യതയുള്ളതിനാൽ യാത്രക്കാർ വിമാനക്കമ്പനികളുമായി ബന്ധപ്പെട്ട് ഷെഡ്യൂൾ പരിശോധിക്കണമെന്ന് കഴിഞ്ഞ ദിവസം വിവിധ ഗൾഫ് രാജ്യ വിമാനത്താവള അധികൃതർ യാത്രക്കാരോട് ആവശ്യപ്പെട്ടിരുന്നു.

വാർത്തകളും ജോബ് വേക്കൻസികളും നേരിട്ട് ഉടൻ ലഭിക്കാൻ ഞങ്ങളുടെ വാട്ട്സ്സാപ്പ് ചാനൽ ഫോളോ ചെയ്യൂ…. ഇവിടെ ക്ലിക്ക് ചെയ്യുക

വാർത്തകളും ജോബ് വേക്കൻസികളും വാട്സ് ആപ്പിൽ ലഭിക്കുവാൻ ഇവിടെ അമർത്തി ഗ്രൂപ്പിൽ അംഗമാകുക

The post ദുബൈ എയര്‍ സ്പേസ് അടച്ചു; നിരവധി വിമാനങ്ങൾ റദ്ദാക്കി appeared first on Malayalam Press.

ദുബൈ: അഹമ്മദാബാദ് വിമാന ദുരന്തത്തിന്‍റെ ഞെട്ടലിലാണ് ലോകം. എയര്‍ ഇന്ത്യയുടെ ബോയിങ് ഡ്രീംലൈനര്‍ 787 വിമാനം ടേക്ക് ഓഫിന് പിന്നാലെ തകര്‍ന്നു വീണ് വിമാനത്തിലുണ്ടായിരുന്ന ഒരാളൊഴികെ എല്ലാവരും മരിച്ച അപകടത്തിന്‍റെ കാരണങ്ങളെ കുറിച്ചുള്ള ചര്‍ച്ചകള്‍ ഇപ്പോഴും തുടരുകയാണ്. വിമാനത്തിന്‍റെ സുരക്ഷയെ പറ്റിയും ആശങ്കകള്‍ ഉയരുമ്പോള്‍ ഏറ്റവും പുതിയ റാങ്കിങ് പ്രകാരം ലോകത്തിലെ സുരക്ഷിതമായ വിമാന കമ്പനികള്‍ ഏതാണെന്ന് നോക്കാം.

എയര്‍ലൈന്‍ റേറ്റിങ്സ്.കോം എന്ന വെബ്സൈറ്റിന്‍റെ ഏറ്റവും പുതിയ റാങ്കിങില്‍ സുരക്ഷിതമായ എയര്‍ലൈനുകളില്‍ ഒന്നാമതായുള്ളത് എയര്‍ ന്യൂസിലാന്‍ഡ് ആണ്. ലോകത്തിലെ ഏറ്റവും സുരക്ഷിതമായ ഫുൾ സര്‍വീസ് എയര്‍ലൈനായാണ് എയര്‍ ന്യൂസിലാന്‍ഡ് തെരഞ്ഞെടുക്കപ്പെട്ടത്. അതേസമയം ലോകത്തിലെ ഏറ്റവും സുരക്ഷിതമായ ലോ-കോസ്റ്റ് ക്യാരിയറായി തെരഞ്ഞെടുത്തിരിക്കുന്നത് എച്ച് കെ എക്സ്‍പ്രസിനെയാണ്.

ലോകത്തിലെ ഏറ്റവും സുരക്ഷിതമായ വിമാനക്കമ്പനികളുടെ പട്ടികയില്‍ ഇടംനേടി ഗള്‍ഫിലെ പ്രമുഖ വിമാനക്കമ്പനികള്‍. AirlineRatings.com വെളിപ്പെടുത്തിയ ഏറ്റവും പുതിയ റാങ്കിംഗ് അനുസരിച്ച്,  ലോകത്തിലെ ഏറ്റവും സുരക്ഷിതമായ ചെലവ് കുറഞ്ഞ കാരിയര്‍ എച്ച്‌കെ എക്‌സ്പ്രസ് ആണ്. യുഎഇയില്‍ നിന്ന് സര്‍വീസ് നടത്തുന്ന മറ്റ് ഗള്‍ഫ് വിമാനക്കമ്പനികളും പട്ടികയില്‍ ഇടം നേടിയിട്ടുണ്ട്.

ഗള്‍ഫ് രാജ്യങ്ങളിലെ വിമാന കമ്പനികള്‍, പ്രത്യേകിച്ച് യുഎഇയില്‍ നിന്നുള്ള എയര്‍ലൈനുകള്‍ പട്ടികയില്‍ മുമ്പിലുണ്ട്. സുരക്ഷിതമായ ഫുൾ സര്‍വീസ് വിമാനങ്ങളുടെ ലിസ്റ്റില്‍ ഖത്തര്‍ എയര്‍വേയ്സും ദുബൈയുടെ എമിറേറ്റ്സ് എയര്‍ലൈന്‍സും മൂന്നാം സ്ഥാനത്തെത്തി. അബുദാബിയുടെ ഇത്തിഹാദ് എയര്‍വേയ്സ് റാങ്കിങ്ങില്‍ അഞ്ചാം സ്ഥാനത്തുണ്ട്.

സുരക്ഷിതമായ ലോ കോസ്റ്റ് ക്യാരിയറുകളില്‍ ഫ്ലൈദുബൈയും എയര്‍ അറേബ്യയും ഉൾപ്പെട്ടിട്ടുണ്ട്. എയര്‍ ന്യൂസിലാന്‍ഡിന് തൊട്ട് പിന്നാലെ ക്വാണ്ടാസ് എയര്‍ലൈന്‍സുമുണ്ട്. ഇരു എയര്‍ലൈനുകളും തമ്മില്‍ 1.50 പോയിന്‍റുകളുടെ വ്യത്യാസം മാത്രമാണുള്ളത്. ഫ്ലീറ്റ് ഏജ്, ഫ്ലീറ്റ് സൈസ്, അപകടങ്ങള്‍, അപകടങ്ങളിലെ മരണ നിരക്ക്, ലാഭം, ഐഒഎസ്എ സര്‍ട്ടിഫിക്കേഷന്‍, ഐസിഎഒ കൺട്രി ഓ‍ഡിറ്റ് പാസ്സ്, പൈലറ്റ് സ്കില്‍ പരിശീലനം എന്നിവ അടിസ്ഥാനമാക്കിയാണ് എയര്‍ലൈനുകളുടെ റാങ്കിങ് നിശ്ചയിക്കുന്നത്.

2025ലെ ഏറ്റവും സുരക്ഷിതമായ മുഴുവന്‍ സര്‍വീസ് എയര്‍ലൈനുകള്‍

എയര്‍ ന്യൂസിലാന്‍ഡ്

ക്വാണ്ടാസ്

കാത്തേ പസഫിക്, ഖത്തര്‍ എയര്‍വേയ്‌സ്, എമിറേറ്റ്‌സ്

വിര്‍ജിന്‍ ഓസ്‌ട്രേലിയ

ഇത്തിഹാദ് എയര്‍വേയ്‌സ്

എ.എന്‍.എ.

EVA എയര്‍

കൊറിയന്‍ എയര്‍

അലാസ്‌ക എയര്‍ലൈനുകള്‍

ടര്‍ക്കിഷ് എയര്‍ലൈന്‍സ് (THY)

ടിഎപി പോര്‍ച്ചുഗല്‍

ഹവായിയന്‍ എയര്‍ലൈന്‍സ്

അമേരിക്കന്‍ എയര്‍ലൈന്‍സ്

എസ്എഎസ്

ബ്രിട്ടീഷ് എയര്‍വേയ്‌സ്

ഐബീരിയ

ഫിന്‍ എയര്‍

ലുഫ്താന്‍സ/സ്വിസ്

ജെഎഎല്‍

എയര്‍ കാനഡ

ഡെല്‍റ്റ എയര്‍ലൈന്‍സ്

വിയറ്റ്‌നാം എയര്‍ലൈന്‍സ്

യുണൈറ്റഡ് എയര്‍ലൈന്‍സ്

2025ലെ ഏറ്റവും ചെലവ് കുറഞ്ഞ എയര്‍ലൈനുകള്‍

എച്ച്‌കെ എക്‌സ്പ്രസ്

ജെറ്റ്സ്റ്റാര്‍ ഗ്രൂപ്പ്

റയാനെയര്‍

ഈസിജെറ്റ്

ഫ്രോണ്ടിയര്‍ എയര്‍ലൈന്‍സ്

എയര്‍ ഏഷ്യ

വിസ് എയര്‍

വിയറ്റ്‌ജെറ്റ് എയര്‍

സൗത്ത് വെസ്റ്റ് എയര്‍ലൈന്‍സ്

വോളാരിസ്

ഫ്‌ലൈ ദുബായ്

നോര്‍വീജിയന്‍

വ്യൂലിംഗ്

ജെറ്റ്2

സണ്‍ കണ്‍ട്രി എയര്‍ലൈനുകള്‍

വെസ്റ്റ്‌ജെറ്റ്

ജെറ്റ്ബ്ലൂ എയര്‍വേസ്

എയര്‍ അറേബ്യ

ഇന്‍ഡിഗോ

യൂറോവിംഗ്‌സ്

അല്ലെജിയന്റ് എയര്‍

സെബു പസഫിക്

ZipAir

സ്‌കൈ എയര്‍ലൈന്‍

എയര്‍ ബാള്‍ട്ടിക്

The post ലോകത്തിലെ ഏറ്റവും സുരക്ഷിതമായ എയർലൈനുകൾ; പുതിയ റാങ്കിങ്ങ് പുറത്ത്, പട്ടികയിൽ മുമ്പിൽ ഗൾഫ് വിമാന കമ്പനികളും appeared first on Malayalam Press.