റിയാദ്: ലോകത്തിലെ ഏറ്റവും വലിയ സംഗീതോത്സവമായ സഊദി അറേബ്യയുടെ MDLBEAST. അവസാന ദിനത്തിലും അതിഥികളെ വിസ്മയിപ്പിച്ചു. കഴിഞ്ഞ നാല് ദിവസങ്ങളിലായി ഇവിടേക്ക് ഒഴുകിയെത്തിയത് 732,000 ആരാധകരാണ്.
റിയാദിലെ MDLBeast മ്യൂസിക് ഫെസ്റ്റിവലിൽ 152,000 ലധികം സന്ദർശകരാണ് അവസാന ദിവസം എത്തിച്ചേർന്നത്. ബെൽജിയത്തിലെ ടുമാറോലാൻഡ്, കാലിഫോർണിയയിലെ കോച്ചെല്ല തുടങ്ങിയ ആഗോള ഉത്സവങ്ങളെ പിന്തള്ളിയാണ് റിയാദിലേക്ക് കാണിക്കളുടെ ഈ ഒഴുക്ക് ഉണ്ടായത്.
ഇതോടെ, ഡിസംബർ 16 മുതൽ 19 വരെ നടന്ന MDLBeast മ്യൂസിക് ഫെസ്റ്റിവൽ, ലോകത്തെ ഏറ്റവുമധികം ആളുകൾ പങ്കെടുത്ത സംഗീത പരിപാടിയായി മാറി.
അന്താരാഷ്ട്ര സൂപ്പർ താരങ്ങളായ സ്റ്റീവ് ഓക്കി, ഡേവിഡ് ഗ്വെറ്റ, ടിയെസ്റ്റോ, മാർട്ടിൻ ഗാരിക്സ്, ജേസൺ ഡെറുലോ എന്നിവർ വേദിയിലെത്തുന്നതിന് മുമ്പ് സഊദി അറേബ്യയിലെയും അറബ് കലാകാരന്മാരുടെയും മനസ്സിനെ സ്പർശിക്കുന്ന സെറ്റുകൾ ബിഗ് ബീസ്റ്റ് സ്റ്റേജിൽ നിറഞ്ഞാടിയിരുന്നു.
വിവിധ സാംസ്കാരിക ഭൂപ്രകൃതിയുടെ എല്ലാ മേഖലകളെയും പ്രതിനിധീകരിക്കുന്ന, പ്രാദേശികവും അന്തർദേശീയവുമായ പ്രതിഭകളെ പ്രദർശിപ്പിക്കുന്ന, മൾട്ടി-സെൻസറി, മൾട്ടി-സ്റ്റേജ് അനുഭവം ഫെസ്റ്റിവൽ കാഴ്ച വെച്ചിരുന്നു. ലോകോത്തര കലകളിലും സംസ്കാരത്തിലും ഏറ്റവും നൂതനവും ആഴത്തിലുള്ളതുമായ അനുഭവങ്ങൾ ആസ്വദിക്കാൻ ഉത്സവത്തിനിർത്തിയവരെ ഇത് ആഘോഷ കൊടുമുടിയിലെത്തിച്ചു.
