ന്യൂഡൽഹി: അന്താരാഷ്ട്ര വിമാന സർവീസുകൾക്കുള്ള വിലക്ക് ഇന്ത്യ വീണ്ടും നീട്ടി. 2022 ജനുവരി 31 വരെയാണ് ഇപ്പോൾ നീട്ടിയതായി സിവിൽ ഏവിയേഷൻ അറിയിച്ചത്. കൊവിഡ് പശ്ചാത്തലത്തിൽ കഴിഞ്ഞ വർഷം മാർച്ചിൽ ആരംഭിച്ച യാത്രാ വിമാനങ്ങൾക്കുള്ള വിലക്ക് ഈ മാസം അവസാനിക്കാനിരിക്കെയാണ് വിലക്ക് വീണ്ടും നീട്ടിയതായി സർക്കാർ അറിയിച്ചത്.
ഇതിനിടെ വിലക്ക് പൂർണ്ണമായും നീക്കാൻ തീരുമാനം കൈകൊണ്ടിരുന്നെങ്കിലും ഒമിക്രോൺ പശ്ചാത്തലത്തിൽ തീരുമാനം മരവിപ്പിക്കുകയും ചെയ്തിരുന്നു.
അതേസമയം, കാർഗോ വിമാനങ്ങൾക്കും എയർ ബബിൾ കരാർപ്രകാരം സർവീസ് നടത്തുന്ന വിമാനങ്ങൾക്കും വിലക്ക് ബാധകമാകില്ല. കഴിഞ്ഞ വർഷം മാർച്ചിലായിരുന്നു ഇന്ത്യ ആദ്യമായി വിമാന യാത്രകൾക്ക് വിലക്കേർപ്പെടുത്തിയതായി പ്രഖ്യാപിച്ചത്.
