ദുബൈ/കുവൈത്: ദുബൈയിലെ ഏറ്റവും പ്രസിദ്ധമായ പാംജുമൈറ പ്രദേശത് ഇറാൻ മിസൈൽ പതിച്ചു. ഇവിടെ ഒരു കെട്ടിടത്തിലാണ് സംഭവം നടന്നതെന്ന് ദുബായ് അധികൃതർ സ്ഥിരീകരിച്ചു. അടിയന്തര പ്രതികരണ സംഘങ്ങളെ ഉടൻ വിന്യസിച്ചു, സ്ഥലം സുരക്ഷിതമാക്കിയിട്ടുണ്ട്. തുടർന്നുണ്ടായ തീപിടുത്തം ഇപ്പോൾ നിയന്ത്രണവിധേയമാണെന്ന് ദുബായ് സിവിൽ ഡിഫൻസ് അറിയിച്ചു. നാല് പേർക്ക് പരിക്കേറ്റു, അവരെ മെഡിക്കൽ സൗകര്യങ്ങളിലേക്ക് മാറ്റി.
കുവൈറ്റ് അന്താരാഷ്ട്ര വിമാനത്താവളം ലക്ഷ്യമിട്ട് ഡ്രോൺ ആക്രമണവും നടന്നു. Yആക്രമണത്തിൽ നിരവധി തൊഴിലാളികൾക്ക് നേരിയ പരിക്കുകളും പരിമിതമായ ഭൗതിക നാശനഷ്ടങ്ങളും ഉണ്ടായതായി കുവൈറ്റ് സ്റ്റേറ്റ് വാർത്താ ഏജൻസി ശനിയാഴ്ച റിപ്പോർട്ട് ചെയ്തു. മേഖലയിലെ യുഎസ് താവളങ്ങൾ ലക്ഷ്യമിട്ട് ഇറാൻ ആക്രമണം തുടരുകയാണ്.
