റിയാദ്: “അബ്ഷർ” വഴി 4 പുതിയ ഇലക്ട്രോണിക് സേവനങ്ങൾ കൂടി ലഭ്യമാക്കി. പ്രവാസി താമസക്കാരന്റെ ഫോട്ടോ അപ്ഡേറ്റ് ചെയ്യുക, ഒരു ആശ്രിതന്റെ രേഖ റദ്ദാക്കുക തുടങ്ങിയ സേവനങ്ങൾ ഉൾപ്പെടുന്ന നാല് സർവീസുകളാണ് പുതിയതായി ആരംഭിച്ചത്. ഇലക്ട്രോണിക് ഇടപാടുകൾക്കായുള്ള വികസന ഘട്ടങ്ങളുടെ ഭാഗമാണ് ഈ സേവനങ്ങൾ കൂടി ഉൾപ്പെടുത്തിയത്.
പ്രവാസിയുടെ ഫോട്ടോ അപ്ഡേറ്റ് ചെയ്യുക, ആശ്രിതന്റെ വാണിജ്യ രജിസ്ട്രേഷൻ റദ്ദാക്കുക, ആശ്രിതനെ വേർപെടുത്തുന്നതിനുള്ള സേവനം, സൽവ അതിർത്തി ക്രോസിംഗിൽ അബ്ഷിർ യാത്രാ സേവനം എന്നിവയാണ് നാല് പുതിയ സേവനങ്ങളിൽ ഉൾപ്പെടുന്നത്.
ആഭ്യന്തര മന്ത്രി പ്രിൻസ് അബ്ദുൽ അസീസ് ബിൻ സഊദിന്റെ രക്ഷാകർതൃത്വത്തിൽ, ജനറൽ ഡയറക്ടറേറ്റ് ഓഫ് പാസ്പോർട്ട്സ് ഇന്നലെയാണ് (വ്യാഴാഴ്ച) ആഭ്യന്തര മന്ത്രാലയത്തിന്റെ ഇലക്ട്രോണിക് സേവന പ്ലാറ്റ്ഫോം (അബ്ഷർ) വഴി 4 പുതിയ ഇലക്ട്രോണിക് സേവനങ്ങൾ ആരംഭിച്ചത്.
ഗുണഭോക്താക്കൾക്ക് നൽകുന്ന സേവനങ്ങളുടെ കാര്യക്ഷമത വർദ്ധിപ്പിക്കുന്നതിന് സേവനങ്ങൾ നൽകുന്നതിനായി സമയവും പരിശ്രമവും ലാഭിക്കുക, നടപടിക്രമങ്ങൾ കുറയ്ക്കുക, പാസ്പോർട്ട് സേവനങ്ങളുടെ ഗുണനിലവാരം മെച്ചപ്പെടുത്തുക, സ്മാർട്ട് പരിഹാരങ്ങൾ നൽകുക, ഡിജിറ്റൽ പരിവർത്തനം എന്നിവ ലക്ഷ്യമിട്ടുള്ള ഇലക്ട്രോണിക് ഇടപാടുകൾക്കായുള്ള വികസന ഘട്ടങ്ങളിൽ ഈ സേവനങ്ങൾ ഉൾപ്പെടുന്നതെന്ന് പാസ്പോർട്ട് ഡയറക്ടർ ജനറൽ മേജർ ജനറൽ സാലിഹ് അൽ മുറബ്ബ പറഞ്ഞു. ഇഖാമയിലെ ഫോട്ടോ മാറ്റുന്നതിനായി 2025 ഒക്ടോബറിൽ അബ്ഷീറിൽ സേവനം ആരംഭിച്ചതായി അധികൃതർ അറിയിച്ചിരുന്നു. അതിന്റ നടപടികൾ അറിയുന്നതിനായി അന്നത്തെ വാർത്ത താഴെ വായിക്കാം 👇.
ഇഖാമയിലെ ഫോട്ടോ ഇനി എളുപ്പത്തിൽ മാറ്റാം; പുതിയ ഓൺലൈൻ സേവനം അവതരിപ്പിച്ച് അബ്ഷിർ
