മലപ്പുറം: മലപ്പുറം മങ്കടയില് മരിച്ച 18കാരിക്ക് നിപ സ്ഥിരീകരിച്ചതിനെ തുടര്ന്ന് 20 വാര്ഡുകള് കണ്ടെയ്ന്മെന്റ് സോണുകളായി പ്രഖ്യാപിച്ചു. മലപ്പുറത്ത് മക്കരപറമ്പ്, കൂട്ടിലങ്ങാടി, കുറുവ, മങ്കട ഗ്രാമപഞ്ചായത്തുകളിലെ 20 വാര്ഡുകളാണ് കണ്ടെയ്ന്മെന്റ് സോണുകളായി പ്രഖ്യാപിച്ചത്. മക്കരപറമ്പ് – ഒന്ന് മുതല് 13 വരെ വാര്ഡുകള്. കൂട്ടിലങ്ങാടി-11, 15 വാര്ഡുകള്, മങ്കട – വാര്ഡ് 14, കുറുവ – രണ്ട്, മൂന്ന്, അഞ്ച്, ആറ് വാര്ഡുകളാണ് കണ്ടെയ്ന്മെന്റ് സോണുകള്.
അതേസമയം, പാലക്കാട് തച്ചനാട്ടുകര സ്വദേശിയായ യുവതിയ്ക്ക് നിപ സ്ഥിരീകരിച്ചു. പെരിന്തല്മണ്ണയിലെ സ്വകാര്യ ആശുപത്രിയില് ചികിത്സയിലുള്ള യുവതിയുടെ ആരോഗ്യനില ഗുരുതരമായി തുടരുകയാണ്. തച്ചനാട്ടുകര, കരിമ്പുഴ പഞ്ചായത്തിലെ വിവിധ വാര്ഡുകള് കണ്ടെയ്ന്മെന്റ് സോണാക്കി പ്രഖ്യാപിച്ചു. രോഗിയുടെ റൂട്ട് മാപ്പ് പ്രസിദ്ധീകരിച്ചു.
