ഇക്കണോമി ക്ലാസ് മുതൽ ബിസിനസ് എലൈറ്റ് വരെയുള്ള എല്ലാ ക്യാബിൻ ക്ലാസുകളിലുമുള്ള യാത്രക്കാർക് ആസ്വാദ്യകരമായ യാത്രാനുഭവം ഉറപ്പാക്കുന്നതാണ് ഇന്റീരിയർ
റിയാദ്: സഊദിയിൽ നിന്ന് ഉടൻ പറന്നുയരുന്ന റിയാദ് എയറിന്റെ വിമാന വിശേഷങ്ങൾ പുറത്ത് വിട്ടു. നൂതന സാങ്കേതികവിദ്യയുമായി ആധുനിക ആഡംബര യാത്രക്ക് വേണ്ട സൗകര്യങ്ങൾ സജീകരിച്ച വിമാനങ്ങളാണ് യാത്രക്കായി എത്തുന്നത്. പബ്ലിക് ഇൻവെസ്റ്റ്‌മെന്റ് ഫണ്ട് കമ്പനിയും രാജ്യത്തിന്റെ പുതിയ വിമാനക്കമ്പനിയുമായ റിയാദ് എയർ, ആധുനിക ആഡംബരവും നൂതന സാങ്കേതികവിദ്യയും സംയോജിപ്പിച്ച് തങ്ങളുടെ വിമാനങ്ങൾക്കായി നൂതനമായ ഇന്റീരിയർ ഡിസൈനുകൾ പുറത്തിറക്കിയത്.
റിയാദ് എയറിന്റെ അഭിലാഷകരമായ കാഴ്ചപാടിനെ പ്രതിഫലിപ്പിക്കുകയും വ്യോമയാന മേഖലയിലെ ഏറ്റവും പുതിയ കണ്ടുപിടുത്തങ്ങൾ പ്രയോജനപ്പെടുത്തി, ലോകത്തിലെ മുൻനിര ഡിജിറ്റൽ എയർലൈൻ എന്ന നിലയിൽ പ്രാദേശികമായും ആഗോളമായും തങ്ങളുടെ സ്ഥാനം ഉറപ്പിക്കാനുള്ള ദൃഢനിശ്ചയം സ്ഥിരീകരിക്കുകയും ചെയ്യുന്നതാണ് പുറത്ത് വിട്ട ഡിസൈനുകൾ.
വ്യോമയാന, യാത്രാ മേഖലയിൽ തികച്ചും സവിശേഷമായ ഒരു യാത്രാനുഭവം നൽകുന്നതിനായി ആഡംബരവും സുഖസൗകര്യങ്ങളും സംയോജിപ്പിച്ചുള്ള ഇന്റീരിയർ ക്യാബിനുകളാണ് വിമാനത്തിന് ഉള്ളത്. സുഖസൗകര്യങ്ങളിലും ഉപയോഗ എളുപ്പത്തിലും പുതിയ മാനദണ്ഡങ്ങൾ സ്ഥാപിക്കുന്നതിനായി ഇന്റീരിയർ ഡിസൈൻ ആധുനിക ഡിജിറ്റൽ സാങ്കേതികവിദ്യയുമായി മനോഹരമായ രൂപകൽപ്പനയുമായി കൂടിച്ചേർന്നതാണ്.
സഊദി പൈതൃകത്തിൽ നിന്ന് പ്രചോദനം ഉൾക്കൊണ്ട് നിറങ്ങളുടെയും വസ്തുക്കളുടെയും ബുദ്ധിപരമായ ഉപയോഗം, വിശദാംശങ്ങളിൽ സൂക്ഷ്മമായ ശ്രദ്ധ എന്നിവയ്‌ക്കൊപ്പം, എയർലൈനിന്റെ നൂതന സേവനങ്ങൾ, സാങ്കേതിക സവിശേഷതകൾ, അതുല്യമായ സൗകര്യങ്ങൾ എന്നിവ ഇതിന്റെ ഡിസൈനിനെ ശ്രദ്ധേയമാക്കുന്നു, ഇക്കണോമി ക്ലാസ് മുതൽ ബിസിനസ് എലൈറ്റ് വരെയുള്ള എല്ലാ ക്യാബിൻ ക്ലാസുകളിലുമുള്ള യാത്രക്കാർക്ക് ആസ്വാദ്യകരമായ യാത്രാനുഭവം ഉറപ്പാക്കുന്നതണ് ഇന്റീരിയർ.
വ്യോമയാന മേഖലയിലെ സീറ്റ് ഗുണനിലവാരത്തിലും സുഖസൗകര്യ നിലവാരത്തിലും റിയാദ് എയർ ഏറ്റവും ഉയർന്ന സമീപനമാണ് സ്വീകരിക്കുന്നത്. പുതിയ ഇന്റീരിയർ ഡിസൈനുകൾ ബോയിംഗ് 787-9 ഡ്രീംലൈനർ വിമാനങ്ങളുടെ മുഴുവൻ ഫ്ലീറ്റിലും ഏകീകൃതവും സ്ഥിരതയുള്ളതുമായ അനുഭവം ഉറപ്പാക്കുന്നു, ഇത് യായത്രക്കാരുടെ ആത്മവിശ്വാസം വർദ്ധിപ്പിക്കുകയും സ്ഥിരമായ ഗുണനിലവാരമുള്ള സേവനം ഉറപ്പാക്കുകയും ചെയ്യുന്നു.
