ന്യൂഡൽഹി: പാസ്പോർട്ട് അപേക്ഷകൾക്കായുള്ള ഓൺലൈൻ പോർട്ടൽ അടുത്ത അഞ്ച് ദിവസത്തേക്ക് അടച്ചിടുമെന്ന് സർക്കാർ അറിയിച്ചു. ഈ കാലയളവിൽ പുതിയ അപ്പോയിൻ്റ്മെൻ്റുകളൊന്നും ഷെഡ്യൂൾ ചെയ്യാനാകില്ല. അതേസമയം ഈ ദിവസങ്ങളിൽ നേരത്തെ ബുക്ക് ചെയ്ത അപ്പോയിൻ്റ്മെൻ്റുകൾ മറ്റൊരു ദിവസത്തേക്ക് മാറ്റിവെക്കുമെന്നും അധികൃതർ അറിയിച്ചു.
വാർത്തകളും ജോബ് വേക്കൻസികളും നേരിട്ട് ഉടൻ ലഭിക്കാൻ ഞങ്ങളുടെ വാട്ട്സ്സാപ്പ് ചാനൽ ഫോളോ ചെയ്യൂ…. ഇവിടെ ക്ലിക്ക് ചെയ്യുക
വാർത്തകളും ജോബ് വേക്കൻസികളും വാട്സ് ആപ്പിൽ ലഭിക്കുവാൻ ഇവിടെ അമർത്തി ഗ്രൂപ്പിൽ അംഗമാകുക
2024 ഓഗസ്റ്റ് 29, വ്യാഴം വൈകീട്ട് എട്ട് മുതൽ സെപ്റ്റംബർ 2, തിങ്കൾ ആറ് മണിവരെ സാങ്കേതിക അറ്റകുറ്റപ്പണികൾക്കായി പാസ്പോർട്ട് സേവാ പോർട്ടൽ പ്രവർത്തനരഹിതമാകും. പൗരന്മാർക്കും എല്ലാ MEA/RPO/BOIകൾക്കും ഈ കാലയളവിൽ സിസ്റ്റം ലഭ്യമാകില്ല. 2024 ആഗസ്റ്റ് 30-വരെ ഇതിനകം ബുക്ക് ചെയ്തിട്ടുള്ള അപ്പോയിൻ്റ്മെൻ്റുകൾ ഉചിതമായി പുനഃക്രമീകരിക്കുകയും അപേക്ഷകരെ അറിയിക്കുകയും ചെയ്യും. പാസ്പോർട്ട് സേവാ പോർട്ടലിലെ കുറിപ്പിൽ പറയുന്നു.
ഇതൊരു പതിവ് നടപടിക്രമമാണെന്ന് വിദേശകാര്യ മന്ത്രാലയം അറിയിച്ചു. “അപ്പോയ്മെൻ്റുകൾ പുനഃക്രമീകരിക്കുന്നതിന്, ഞങ്ങൾക്ക് എല്ലായ്പ്പോഴും ആകസ്മിക പ്ലാനുകൾ ഉണ്ട്. ഒരു പൊതു കേന്ദ്രീകൃത സേവനത്തിൻ്റെ (പാസ്പോർട്ട് സേവാ കേന്ദ്രങ്ങൾ പോലുള്ളവ) അറ്റകുറ്റപ്പണികൾ എല്ലായ്പ്പോഴും മുൻകൂട്ടി ആസൂത്രണം ചെയ്തിട്ടുള്ളതാണ്. അതിനാൽ പൊതുജനങ്ങൾക്ക് യാതൊരു അസൗകര്യവും ഉണ്ടാകില്ല. അതിനാൽ ഒരു അപ്പോയിൻ്റ്മെൻ്റ് റീഷെഡ്യൂൾ ചെയ്യുന്നത് ഒരു വെല്ലുവിളിയല്ല. – മന്ത്രാലയം അറിയിച്ചു.
പാസ്പോർട്ട് സേവാ പോർട്ടൽ ഉപയോഗിച്ചാണ് പുതിയ പാസ്പോർട്ടിന് അപേക്ഷിക്കാനോ പാസ്പോർട്ട് പുതുക്കാനോ രാജ്യത്തുടനീളമുള്ള കേന്ദ്രങ്ങളിൽ അപ്പോയിൻ്റ്മെൻ്റ് ബുക്ക് ചെയ്യാനോ സാധിക്കുക. അപ്പോയിൻ്റ്മെൻ്റ് ദിവസം, അപേക്ഷകർ പാസ്പോർട്ട് കേന്ദ്രങ്ങളിൽ എത്തേണ്ട ദിവസം എല്ലാം ഇതുവഴി ഷെഡ്യൂൾ ചെയ്യാം.
സിസ്റ്റം നവീകരണം നടക്കുന്നതിനാൽ പാസ്പോർട്ട്, ഇസി, പിസിസി സേവനങ്ങൾ മുടങ്ങുമെന്ന് ഒമാൻ മസ്കറ്റിലെ ഇന്ത്യൻ എംബസി . ആഗസ്റ്റ് 29 ഒമാൻ സമയം വൈകീട്ട് ആറര മുതൽ സെപ്റ്റംബർ 2 രാവിലെ നാലര വരെയാണ് പാസ്പോർട്ട്, എമർജൻസി സർട്ടിഫിക്കറ്റ് (ഇസി), പൊലീസ് ക്ലിയറൻസ് സർട്ടിഫിക്കറ്റ് (പിസിസി) സേവനങ്ങൾ ലഭ്യമല്ലാതിരിക്കുകയെന്ന് എംബസി എക്സിൽ പോസ്റ്റ് ചെയ്ത വാർത്താകുറിപ്പിൽ അറിയിച്ചു.
എന്നാൽ M/s BLS ഇന്റർനാഷണൽ നടത്തുന്ന ഇന്ത്യൻ വിസ അപേക്ഷാ കേന്ദ്രങ്ങളിൽ (IVACs) കോൺസുലാർ, വിസ സേവനങ്ങൾ തുടർന്നും ലഭ്യമാകും.
വാർത്തകളും ജോബ് വേക്കൻസികളും നേരിട്ട് ഉടൻ ലഭിക്കാൻ ഞങ്ങളുടെ വാട്ട്സ്സാപ്പ് ചാനൽ ഫോളോ ചെയ്യൂ…. ഇവിടെ ക്ലിക്ക് ചെയ്യുക
വാർത്തകളും ജോബ് വേക്കൻസികളും വാട്സ് ആപ്പിൽ ലഭിക്കുവാൻ ഇവിടെ അമർത്തി ഗ്രൂപ്പിൽ അംഗമാകുക
