കുവൈത്ത് സിറ്റി: മദ്യം നിര്മ്മിച്ചതും കൈവശം സൂക്ഷിച്ചതുമായ കേസുകളില് 15 പ്രവാസികള് കുവൈത്തില് അറസ്റ്റില്. ജനറല് ഡയറക്ടറേറ്റ് ഓഫ് ക്രിമിനല് ഇന്വെസ്റ്റിഗേഷന് വിഭാഗം ഉദ്യോഗസ്ഥരാണ് ഇവരെ പിടികൂടിയത്.
വിവിധ രാജ്യക്കാരായ ഇവര് ആറ് വ്യത്യസ്ത കേസുകളിലാണ് അറസ്റ്റിലായത്. ഇവരുടെ പക്കല് നിന്നും പ്രാദേശികമായി നിര്മ്മിച്ചതും വിദേശമദ്യവുമടക്കം 265 കുപ്പി മദ്യമാണ് പിടികൂടിയത്.
കുറ്റകൃത്യങ്ങളും അനധികൃത പ്രവര്ത്തനങ്ങളും പിടികൂടാനുള്ള ക്രിമിനല് സെക്യൂരിറ്റി വിഭാഗത്തിന്റെ നിരന്തര ശ്രമങ്ങളുടെ ഭാഗമായാണ് അറസ്റ്റ്. അറസ്റ്റിലായ പ്രതികളെയും പിടിച്ചെടുത്ത വസ്തുക്കളും തുടര് നിയമ നടപടികള്ക്കായി ബന്ധപ്പെട്ട വകുപ്പുകള്ക്ക് കൈമാറി.
..
