റിയാദ്: ബുധനാഴ്ച മുതൽ വെള്ളിയാഴ്ച വരെ സഊദി അറേബ്യയിലെ മിക്ക പ്രദേശങ്ങളിലും കാലാവസ്ഥാ വ്യതിയാനങ്ങൾ ഉണ്ടാകാനുള്ള സാധ്യതയെക്കുറിച്ച് നാഷണൽ സെന്റർ ഓഫ് മെറ്റീരിയോളജി (NCM) മുന്നറിയിപ്പ് നൽകി.
മക്ക, അൽ-ബഹ,മദീന, ഹായിൽ, നോർത്തേൺ ബോർഡേഴ്സ്, അൽ-ഖസിം, റിയാദ്, അസിർ എന്നീ പ്രദേശങ്ങളുടെ ചില ഭാഗങ്ങളിൽ മിതമായ മഴയ്ക്ക് സാക്ഷ്യം വഹിക്കുമെന്ന് കേന്ദ്രം അറിയിച്ചു.
റിയാദ്, മദീന, വടക്കൻ അതിർത്തികൾ, അൽ-ജൗഫ്, കിഴക്കൻ മേഖല എന്നിവയുടെ ഭാഗങ്ങളിൽ വ്യാഴം, വെള്ളി ദിവസങ്ങളിൽ മിതമായ മഴയായിരിക്കുമെന്ന് കേന്ദ്രം
സൂചിപ്പിച്ചു.
തബൂക്ക്, അൽ-ജൗഫ്, വടക്കൻ അതിർത്തികൾ, ഹായിൽ,മദീന എന്നീ പ്രദേശങ്ങളിലെ താപനില കുറയുന്നതോടെ വ്യാഴാഴ്ച വൈകുന്നേരവും വെള്ളിയാഴ്ചയും തബൂക്ക് മേഖലയുടെ ഉയരങ്ങളിൽ മഞ്ഞ് വീഴാൻ സാധ്യതയുണ്ടെന്നും റിപ്പോർട്ട് പറയുന്നു.
