റിയാദ്: ഭാവിയിൽ പകർച്ചവ്യാധികൾ തടയുന്നതിനുള്ള ശ്രമങ്ങൾ തടയുന്നതിനായി സഊദി അറേബ്യ ആഗോള പകർച്ചവ്യാധി ഫണ്ടിലേക്ക് 50 മില്യൺ ഡോളർ നിക്ഷേപിക്കും.
ഇന്തോനേഷ്യയിലെ ബാലിയിൽ ബുധനാഴ്ച സമാപിച്ച ജി 20 ഉച്ചകോടിയുടെ വിദേശകാര്യ മന്ത്രിമാരുടെ സെഷനിൽ കിരീടാവകാശിയും പ്രധാനമന്ത്രിയുമായ മുഹമ്മദ് ബിൻ സൽമാനുവേണ്ടി നടത്തിയ പ്രസംഗത്തിലാണ് വിദേശകാര്യ മന്ത്രി ഫൈസൽ ബിൻ ഫർഹാൻ രാജകുമാരൻ ഇക്കാര്യം അറിയിച്ചത്.
പകർച്ചവ്യാധി പ്രതികരണ നടപടിക്രമങ്ങളിലെ വിടവുകൾ പരിഹരിക്കാനുള്ള സൗദി അറേബ്യയുടെ ശ്രമത്തെ ഉച്ചകോടി നേതാക്കൾ പ്രശംസിച്ചു.
ഈ ഫണ്ട് വികസ്വര രാജ്യങ്ങൾക്ക് പ്രാദേശികമായും ആഗോളമായും ഭാവിയിലെ പകർച്ചവ്യാധികളോട് പ്രതികരിക്കുന്നതിനും തടയുന്നതിനും സഹായം നൽകും. കൂടാതെ ഇതിലൂടെ ലബോറട്ടറികൾ, രോഗ നിരീക്ഷണം, എമർജൻസി കമ്മ്യൂണിക്കേഷൻസ് ആൻഡ് മാനേജ്മെന്റ്, കമ്മ്യൂണിറ്റി എൻഗേജ്മെന്റ് സംരംഭങ്ങൾ, ആരോഗ്യ തൊഴിൽ ശക്തി വികസനം എന്നിവയ്ക്കും ധനസഹായം നൽകുന്നതാണ്.
