റിയാദ്: ജിസിസി , നോർത്ത് ആഫ്രിക്ക മേഖലയിലെ ഏറ്റവും വലിയ സൈബർ സുരക്ഷാ ഇവന്റായ അന്താരാഷ്ട്ര ബ്ലാക്ക് ഹാറ്റ് ഇവന്റിന് സഊദി തലസ്ഥാനമായ റിയാദ് നവംബർ പകുതിയോടെ ആതിഥേയത്വം വഹിക്കും. ലോകത്തിലെ ഏറ്റവും പ്രധാനപ്പെട്ട സൈബർ സുരക്ഷാ വിദഗ്ധർ ഇവിടെ ഒരുമിക്കും. നവംബർ 15 ന് ആരംഭിക്കുന്ന പരിപാടി റിയാദ് ഫ്രണ്ട് സെന്ററിൽ 3 ദിവസം തുടരും.
റിയാദ് സീസൺ 2022 പ്രവർത്തനങ്ങളുടെ ഭാഗമായി ജനറൽ എന്റർടൈൻമെന്റ് അതോറിറ്റിയുടെ (ജിഇഎ) പങ്കാളിത്തത്തോടെ സൗദി ഫെഡറേഷൻ ഫോർ സൈബർ സെക്യൂരിറ്റി, ഇൻഫോർമടെക് എന്നിവയുടെ സഹകരണത്തോടെയാണ് സംഘടിപ്പിക്കുന്നത്.
ലോകത്തിലെ ഏറ്റവും പ്രധാനപ്പെട്ട 200-ലധികം ഉദ്യോഗസ്ഥർ പങ്കെടുക്കുന്ന ബ്ലാക്ക് ഹാറ്റ് ഇവന്റ് സൈബർ സുരക്ഷാ മേഖലയിലെ ഏറ്റവും പ്രമുഖരായ വിദഗ്ധർ പകുങ്കെടുക്കും.
അംഗീകൃത സർട്ടിഫിക്കറ്റുകളുള്ള പ്രത്യേക പരിശീലന കോഴ്സുകളും നിരവധി സെഷനുകൾ, വർക്ക്ഷോപ്പുകൾ, കൂടാതെ 1,000,000 റിയാലിൽ കൂടുതൽ സമ്മാനങ്ങളുള്ള നിരവധി മത്സരങ്ങൾ എന്നിവയും ഉണ്ടായിരിക്കും. വിദഗ്ധർ, അമച്വർമാർ, സൈബർ സുരക്ഷ മേഖലയിൽ താൽപ്പര്യമുള്ളവർ എന്നിവരെയാണ് ഇവന്റ് ലക്ഷ്യമിടുന്നത്.
ഏറ്റവും പുതിയ സംഭവവികാസങ്ങൾ, വൈദഗ്ധ്യവും അനുഭവങ്ങളും കൈമാറ്റം ചെയ്യുന്നതിനുള്ള എക്സിക്യൂട്ടീവ് ഉച്ചകോടി ഏരിയ, ടെക്നിക്കൽ വർക്ക്ഷോപ്പ് ഏരിയ, പ്രമുഖവും വളർന്നുവരുന്ന പ്രാദേശിക, അന്തർദേശീയ കമ്പനികളും ഒരുമിച്ച് കൊണ്ടുവരുന്ന ബിസിനസ്സ് ഹാൾ എന്നിവ ഉൾപ്പെടെ നിരവധി മേഖലകൾ ബ്ലാക്ക് ഹാറ്റ് ഇവന്റിൽ ഉൾപ്പെടുന്നു.
