റിയാദ്: ഇന്ന് (ബുധൻ) വിവിധ ഭാഗങ്ങളിൽ സജീവമായ പൊടിക്കാറ്റ് ഉണ്ടാകുമെന്ന റിപ്പോർട്ടിനെ തുടർന്ന് ദേശീയ കാലാവസ്ഥാ കേന്ദ്രം റിയാദ് ഉൾപ്പെടെ നിരവധി പ്രദേശങ്ങളിൽ മുന്നറിയിപ്പുകൾ നൽകി. അസീറും മക്കയും ഉൾപ്പെടെയുള്ള മറ്റ് പ്രദേശങ്ങളെ ഇടിമിന്നലും മഴയും ബാധിക്കും.
വാർത്തകൾ നേരിട്ട് ഉടൻ ലഭിക്കാൻ ഇവിടെ ക്ലിക്ക് ചെയ്യുക
റിയാദ് മേഖലയിൽ, പ്രത്യേകിച്ച് തലസ്ഥാനമായ റിയാദ്, അൽ-ഖർജ്, അൽ-ദിരിയ, അൽ-ദവാദ്മി, അഫീഫ് എന്നിവിടങ്ങളിൽ ശക്തമായ പൊടിക്കാറ്റ് വൈകുന്നേരം ആറ് വരെ ദൂരക്കാഴ്ചയെ ബാധിക്കുന്ന നിലയിൽ ഉണ്ടാകുമെന്ന് കേന്ദ്രം അറിയിച്ചു. വൈകുന്നേരത്തോടെ, കിഴക്കൻ പ്രവിശ്യ, ഖസിം മേഖലകളുടെ ചില ഭാഗങ്ങളിൽ സമാനമായ സ്ഥിതിഗതികൾക്ക് സാക്ഷ്യം വഹിക്കുമെന്നും സൂചിപ്പിക്കുന്നു.
അസീർ, മക്ക, ജസാൻ, നജ്‌റാൻ എന്നീ പ്രദേശങ്ങളുടെ ചില ഭാഗങ്ങളിൽ മഴ, ഇടിമിന്നൽ, സജീവമായ കാറ്റ് എന്നിവയും രാത്രി എട്ട് മണി വരെ ദൂരക്കാഴ്ച കുറവിനും സാക്ഷ്യം വഹിക്കുമെന്നും മുന്നറിയിപ്പിൽ പറയുന്നു.
