ബാരലിന് 105 ഡോളർ കടന്നു, 2014 നു ശേഷമുള്ള ഏറ്റവും ഉയർന്ന വില
മോസ്കോ: ഉക്രെയ്നിലെ റഷ്യയുടെ അധിനിവേശത്തിനും ആഗോള ഊർജ വിതരണത്തെ തടസ്സപ്പെടുത്തുന്ന യൂറോപ്പിലെ യുദ്ധ ഭീതിയും രാജ്യന്തര എണ്ണ വിലയിൽ കുതിച്ചു ചാട്ടം. സമീപകാലത്തെ റെക്കോർഡ് ഉയർച്ചയാണ് എണ്ണ വിലയിൽ വ്യാഴാഴ്ച ഉണ്ടായത്.
റോയിട്ടേഴ്സ് റിപ്പോർട്ട് അനുസരിച്ച് ബ്രെന്റ് ക്രൂഡിന്റെ വില ബാരലിന് 105 ഡോളർ കവിഞ്ഞു. വെസ്റ്റ് ടെക്സസ് ഇന്റർമീഡിയറ്റ് ക്രൂഡ് ബാരലിന് 99.88 ഡോളറിലെത്തി. 2014 ന് ശേഷം ആദ്യമായാണ് അന്താരാഷ്ട്ര മാർക്കറ്റിൽ ഇന്ധന വില ഇങ്ങനെ കുതിക്കുന്നത്.
പെട്രോളിയം കയറ്റുമതി രാജ്യങ്ങളുടെ ഓർഗനൈസേഷൻ ഓഫ് പെട്രോൾ എക്സ്പോർട്ടിംഗ് രാജ്യങ്ങളായ “ഒപെക്” അംഗങ്ങളും അതിന് പുറത്തുള്ള പാർട്ടികളും ഉൾപ്പെടുന്ന “ഒപെക് പ്ലസ്” സഖ്യത്തിന്റെ ഭാഗമാണ് റഷ്യ.
യൂറോപ്പിലേക്കുള്ള പ്രകൃതിവാതകത്തിന്റെ ഏറ്റവും വലിയ വിതരണക്കാരും റഷ്യയാണ്, യൂറോപ്യൻ വാതക വിതരണത്തിന്റെ 35 ശതമാനമാണ് റഷ്യ നൽകുന്നത്. പുതിയ സംഭവം വികാസങ്ങൾ ലോക സാമ്പത്തിക രംഗം തകർക്കുമെന്നാണ് നിരീക്ഷകർ നൽകുന്ന മുന്നറിയിപ്പ്.
