ഉംറ തീർത്ഥാടന യാത്രക്കിടെ അപകടം; ഇസ്‌ലാമിക് സർവ്വകലാശാല അധ്യാപകനും ഭാര്യയും മരണപ്പെട്ടു

മക്ക: ഉംറ തീർത്ഥാടന യാത്രക്കിടെയുണ്ടായ ദാരുണ അപകടത്തിൽ പണ്ഡിതനും ഭാര്യയും മരണപ്പെട്ടു. എഴുത്തുകാരനും മദീനയിലെ ഇസ്‌ലാമിക് യൂണിവേഴ്‌സിറ്റിയിലെ ടീച്ചിംഗ് സ്റ്റാഫ് അംഗവും പ്രവാചകന്റെ മസ്ജിദിന്റെ പഠന പ്രൊഫസറുമായ ശൈഖ് ഡോ: സുലൈമാൻ അൽ റൂമിയും ഭാര്യയുമാണ് വെള്ളിയാഴ്ച ഉണ്ടായ അപകടത്തിൽ മരണപ്പെട്ടത്. .

അൽ-റൂമിയും ഭാര്യയും ഉംറ നിർവഹിക്കാൻ മക്കയിലേക്കുള്ള യാത്രയിലായിരുന്നു. ഇഹ്‌റാം വസ്ത്രം ധരിച്ച് യാത്ര ചെയ്യുന്നതിനിടെ അവരുടെ കാർ അപകടത്തിൽ പെടുകയായിരുന്നു.

ശൈഖ് അൽ റൂമിക്ക് നിരവധി പുസ്തകങ്ങളുണ്ട്; കുരിശുയുദ്ധകാലത്ത് ക്രിസ്ത്യാനികളെ ഇസ്‌ലാമിലേക്ക് ക്ഷണിക്കാനും മുസ്‌ലിംകളെ ക്രിസ്ത്യാനികളിലേക്ക് ക്ഷണിക്കാനും ബൈബിളിന്റെ ഉപയോഗം എന്നതുൾപ്പെടെയുള്ള കനപ്പെട്ട പുസ്തകങ്ങളും അവയിൽ ഉൾപ്പെടുന്നു.