ദുബൈ: ബുധനാഴ്ച മുതൽ യു.എ.ഇയിലേക്കുള്ള യാത്രാവിലക്ക് അവസാനിക്കുമെന്ന് പ്രതീക്ഷിച്ച പ്രവാസികൾക്ക് വീണ്ടും തിരിച്ചടി. ജൂലൈ ആറ് വരെ ദുബൈയിലേക്ക് സർവീസ് ഉണ്ടാവില്ലെന്ന് എയർ ഇന്ത്യ അറിയിച്ചു. യാത്രക്കാരുടെ സംശയങ്ങൾക്ക് മറുപടികൊടുക്കുന്നതിനിടെ ട്വിറ്ററിലാണ് എയർ ഇന്ത്യ ഇക്കാര്യം അറിയിച്ചത്. യാത്രാനിബന്ധനകളിൽ അനിശ്ചിതത്വം നിലനിൽക്കുന്ന സാഹചര്യത്തിലാണ് തീരുമാനം.
യു.എ.ഇയിലെ യാത്രാ നിയന്ത്രണങ്ങൾ നിലനിൽക്കുന്നതിനാൽ ജൂലൈ ആറ് വരെ വിമാനസർവീസ് ഉണ്ടാവില്ലെന്നും കൂടുതൽ വിവരങ്ങൾ വെബ്സൈറ്റിലൂടെയും ട്വിറ്റർ പേജിലൂടെയും അറിയിക്കാമെന്നുമാണ് യാത്രക്കാരന്റെ സംശയത്തിന് മറുപടിയായി എയർ ഇന്ത്യ ട്വീറ്റ് ചെയ്തത്.
കൂടുതൽ വിവരങ്ങൾക്ക് ഇത് കൂടി വായിക്കുക
യുഎഇ യിലേക്ക് പ്രവേശനം ഇന്ന് മുതൽ, പക്ഷെ യാത്ര പോകാനാകാതെ പ്രവാസികൾ നിരാശയിൽ
വിമാനകമ്പനികൾ നിർത്തി വെച്ച് ടിക്കറ്റ് വിൽപ്പന ഇത് വരെ പുനഃരാരംഭിച്ചിട്ടില്ല
