Saudi Police Archives - Malayalam Press

സത്യം പറയൂ ഇല്ലെങ്കിൽ തല വെട്ടാകും വിധിയെന്ന് ഓഫീസർ, കുഴപ്പമില്ല എപ്പോളാണെങ്കിലും ഒരിക്കൽ മരിക്കും എന്ന് ഞെട്ടിക്കുന്ന മറുപടിയുമായി പ്രവാസി: മദ്യക്കടത്ത് കടത്ത് കേസിൽ സഊദിയിൽ പ്രവാസി അറസ്റ്റിൽ

News Desk — Fri, 02 May 2025 12:26:04 +0000

ദമാം: മദ്യ നിർമ്മാണ, കടത്ത് കേസിൽ പിടിക്കപ്പെട്ട പ്രവാസിയുടെ മറുപടി ആരെയും ഞെട്ടിക്കുന്നത്. ഒമാനിൽ നിന്ന് സഊദിയിലേക്ക് കടത്തിയ ഷബു എന്ന പേരിലുള്ള മെത്താംഫെറ്റാമൈൻ മയക്കുമരുന്ന് കേസിലെ പ്രതിയാണ് ഞെട്ടിക്കുന്ന മറുപടി നൽകിയത്. ലാഹോർ പഞ്ചാബ് സ്വദേശിയായ യുവാവാണ് പരിശോധനയിൽ പിടിയിലായത്.

വാർത്തകളും ജോബ് വേക്കൻസികളും നേരിട്ട് ഉടൻ ലഭിക്കാൻ ഞങ്ങളുടെ വാട്ട്സ്സാപ്പ് ചാനൽ ഫോളോ ചെയ്യൂ…. ഇവിടെ ക്ലിക്ക് ചെയ്യുക

വാർത്തകളും ജോബ് വേക്കൻസികളും വാട്സ് ആപ്പിൽ ലഭിക്കുവാൻ ഇവിടെ അമർത്തി ഗ്രൂപ്പിൽ അംഗമാകുക

സത്യം പറയൂ ഇല്ലെങ്കിൽ തല വെട്ടാകും വിധിയെന്ന് ഓഫീസറുടെ ചോദ്യത്തിനാണ് കുഴപ്പമില്ല എപ്പോളാണെങ്കിലും ഒരിക്കൽ മരിക്കും എന്ന മറുപടി അദ്ദേഹം നൽകിയത്. ഓഫീസറുടെ ചോദ്യത്തിന് എപ്പോളാണെങ്കിലും ഒരിക്കൽ മരിക്കും എന്ന മറുപടി ദേഷ്യത്തിലായിരുന്നു എന്നതും ഏവരെയും ഞെട്ടിക്കുന്നു.

ഒമാനിൽ നിന്നും സഊദിയിലേക്ക് കൊണ്ട് വന്ന ലഹരിവസ്തുവിന്റെ ഏറ്റവും ഒടുവിലത്തെ കണ്ണിയായ പ്രവാസി ഡ്രൈവർ ആണ് സഊദിയിൽ അറസ്റ്റിലായ ലാഹോർ പഞ്ചാബ് സ്വദേശി. ലായനിയായി കൊണ്ട് വരപ്പെട്ട ഷബു എന്ന പേരിലുള്ള മെത്താംഫെറ്റാമൈൻ മയക്കുമരുന്ന് കടത്തിയെന്നാണ് കേസ്. ഒമാനിൽ നിന്നും തന്റെ പേരിലുള്ള വാഹനത്തിൽ സഊദിയിലേക്ക് കടത്തിയതിനു കിട്ടിയ കൂലി നാലായിരം റിയാൽ ആയിരുന്നു.

സഊദിയിലേക്ക് ഉംറ വിസയിലാണ് യുവാവ് എത്തിയത്. വാഹനം കൊടുത്തുവിട്ടതാകട്ടെ മറ്റൊരാളും. സഊദിയിൽ എത്തുന്ന വാഹനം മറ്റൊരാൾക്ക് കൈമാറാൻ ആയിരുന്നു നിർദേശം. ഉംറ ചെയ്തു വരൂ തിരിച്ചു പോരുമ്പോൾ എന്റെ സഹോദരൻ ഉണ്ട് സഊദിയിൽ അയാൾക്ക് വാഹനം കൊടുക്കുക അയാളുടെ കൈവശമുള്ള വാഹനം നീ ഇങ്ങോട്ടു കൊണ്ടുവരിക എന്നതായിരുന്നു നിർദേശം എന്നാണ് പിടിക്കപ്പെട്ട ആൾ ഓദ്യോഗസ്ഥരോട് വെളിപ്പെടുത്തിയത്.

ആദ്യം പറയുന്നതിൽ നിന്നും മാറി രണ്ടാമതും മൂന്നാമതും മാറ്റി പറഞ്ഞപ്പോഴാണ് ഓഫീസർ ഗൗരവത്തിൽ സത്യം പറയൂ ഇല്ലെങ്കിൽ തല വെട്ടാംകും വിധിയെന്ന് പ്രതിയോട് പറഞ്ഞത്. ഇതിനാണ് കുഴപ്പമില്ല എപ്പോളാണെങ്കിലും ഒരിക്കൽ മരിക്കും എന്ന് പ്രതിമറുപടി നൽകിയത്. അന്വേഷണ സംഘത്തോട് സഹകരിക്കൂ ഉള്ളത് പോലെ പറയൂ എന്ന് പറഞ്ഞു വിഷയത്തിന്റെ ഗൗരവം ബോധ്യപ്പെടുത്തിയപ്പോൾ പ്രതി ഒരു വേള മൗനിയായ ശേഷം മറ്റു കാര്യങ്ങൾ പറഞ്ഞു.

“എനിക്ക് ചെറിയ മക്കളുണ്ട് അവരുടെ അടുത്തേക്ക് പോകണം എന്നെ വിടണം” ഇതായിരുന്നു ആവശ്യം. ഇത് ഇസ്‌ലാമിക രാജ്യമാണ്, മയക്കു മരുന്നുകൾ ഉപയോഗിക്കുന്നത് കുറ്റകരവും മതപരമായി നിഷിദ്ധവുമാണ്, ഒരു സമൂഹം ഇല്ലാതെയാകാൻ സഹായിക്കുന്ന ഇത്തരം കാര്യങ്ങൾ ഇങ്ങോട്ടു കൊണ്ട് വരിക എന്ന കുറ്റകൃത്യം ചെയ്തതിൽ താങ്കൾ ഖേദിക്കുന്നുണ്ടോ? എന്നതിന് അതെ എനിക്ക് ഖേദമുണ്ട് എന്ന് പ്രതി സമ്മതിച്ചു. ആദ്യം അയാൾ ഒന്നിനോടും സഹകരിക്കാതെ നിന്ന പ്രതി പിന്നീട് അവസാന കാര്യങ്ങൾ ഓരോന്നായി പറഞ്ഞു.

എന്നാൽ, പ്രതിയെ ഇങ്ങോട്ടു വാഹനം കൊടുത്തു പറഞ്ഞുവിട്ടയാൾ ഒമാനിൽ നീട്ടും പാകിസ്ഥാനിലേക്ക് പോയിരുന്നു. സുരക്ഷാ സൈനികർ പ്രതിയെയും കൊണ്ട് കൈമാറേണ്ട ആളെ കിട്ടാൻ ദമാം വരെ പോയെങ്കിലും ആളെ കിട്ടിയില്ല.

The post സത്യം പറയൂ ഇല്ലെങ്കിൽ തല വെട്ടാകും വിധിയെന്ന് ഓഫീസർ, കുഴപ്പമില്ല എപ്പോളാണെങ്കിലും ഒരിക്കൽ മരിക്കും എന്ന് ഞെട്ടിക്കുന്ന മറുപടിയുമായി പ്രവാസി: മദ്യക്കടത്ത് കടത്ത് കേസിൽ സഊദിയിൽ പ്രവാസി അറസ്റ്റിൽ appeared first on Malayalam Press.

മസാജ് സെന്ററിൽ അനാശാസ്യം; സഊദിയിൽ പ്രവാസി അറസ്റ്റിൽ

malayalampress — Thu, 01 May 2025 11:09:19 +0000

റിയാദ്: മസാജ് സെന്ററിൽ അനാശാസ്യം നടത്തിയതിനെ തുടർന്ന് സഊദിയിൽ പ്രവാസി അറസ്റ്റിലായി. ജസാൻ മേഖല പോലീസ് ആണ് ജനറൽ ഡിപ്പാർട്ട്‌മെന്റ് ഓഫ് കമ്മ്യൂണിറ്റി സെക്യൂരിറ്റി ആൻഡ് കോംബാറ്റിംഗ് ഹ്യൂമൻ ട്രാഫിക്കിംഗ് ക്രൈംസുമായി ഏകോപിപ്പിച്ച് വിശ്രമ, മസാജ് കേന്ദ്രത്തിൽ അധാർമിക പ്രവൃത്തികളിൽ ഏർപ്പെട്ടതിന് പ്രവാസിയെ അറസ്റ്റ് ചെയ്തത്.

അധാർമിക പ്രവൃത്തികളിൽ ഏർപ്പെട്ടയാളെ അറസ്റ്റ് ചെയ്തതായും അയാൾക്കെതിരെ നിയമനടപടി സ്വീകരിച്ചതായും അയാളെ പബ്ലിക് പ്രോസിക്യൂഷന് റഫർ ചെയ്തതായും പോലീസ് പറഞ്ഞു. മസാജ് കേന്ദ്രത്തിനെതിരെ മുനിസിപ്പൽ ശിക്ഷകൾ മുനിസിപ്പാലിറ്റി തുടർന്നും നടപ്പിലാക്കും.

ഫെബ്രുവരി 13 നാണ് ആഭ്യന്തര മന്ത്രാലയത്തിലെ കമ്മ്യൂണിറ്റി സെക്യൂരിറ്റി ആൻഡ് കോംബാറ്റിംഗ് ഹ്യൂമൻ ട്രാഫിക്കിംഗ് ക്രൈംസ് ജനറൽ ഡിപ്പാർട്ട്‌മെന്റ്സ്ഥാപിതമായത്. സ്ഥാപിതമായതുമുതൽ പ്രാദേശിക, പ്രവിശ്യാ പോലീസുമായി സഹകരിച്ച്, എല്ലാത്തരം അധാർമിക പ്രവൃത്തികളെയും ചെറുക്കുന്നതിനും അത്തരക്കാരെ കണ്ടെത്തി അതിൽ ഉൾപ്പെട്ടവരെ പബ്ലിക് പ്രോസിക്യൂഷന് റഫർ ചെയ്യുന്നതിനുമായി വിപുലമായ കാംപയിൻ ആരംഭിച്ചിട്ടുണ്ട്.

The post മസാജ് സെന്ററിൽ അനാശാസ്യം; സഊദിയിൽ പ്രവാസി അറസ്റ്റിൽ appeared first on Malayalam Press.

സഊദിയിൽ ഇനി പോലീസ് സ്‌റ്റേഷനിലേക്ക് പോകാനും അബ്ശിറിൽ അപ്പോയ്ന്റ്മെന്റ് എടുക്കണം

Gulf1 — Thu, 11 Mar 2021 13:03:16 +0000

റിയാദ്: രാജ്യത്തെ പോലീസ് സ്റ്റേഷനുകളിലേക്ക് പോകുന്നവർ ഇനി മുതൽ അബഷിറിൽ അപ്പോയിന്റ്മെന്റ് മുൻകൂട്ടി എടുക്കണം. ഇതിനുള്ള സംവിധാനം പൊതു സുരക്ഷ വിഭാഗം ഉദ്ഘാടനം ചെയ്‌തു. രാജ്യത്തെ മുഴുവൻ പോലീസ് സ്റ്റേഷനകളിലേക്കും പോകാനായി മുൻകൂട്ടിയുള്ള അപ്പോയിന്റ്മെന്റ് ഇനി മുതൽ നിർബന്ധമാകും. സ്വദേശികൾക്കും വിദേശികൾക്കും ഇത് ബാധകമാണെന്ന് പബ്ലിക് സെക്യൂരിറ്റി വിഭാഗം അറിയിച്ചു.

ഉയർന്ന നിലവാരമുള്ള മാനദണ്ഡങ്ങൾക്കനുസൃതമായി പോലീസ് സ്റ്റേഷനുകളിൽ എത്തുന്ന ഗുണഭോക്താക്കളെ സ്വീകരിക്കാനും കൊറോണ വൈറസിനെതിരായ മുൻകരുതൽ നടപടികളും പ്രതിരോധ നടപടികളും കൈവരിക്കാനും ലക്ഷ്യമിട്ടാണ് നടപടി.

തങ്ങളുടെ അബഷിറിൽ കയറി അപ്പോയിന്റ്മെന്റിൽ സന്ദർശിക്കേണ്ട പോലീസ് സ്റ്റേഷനും സന്ദർശന ആവശ്യകതയും സമയവും തിയ്യതിയും സെലക്‌ട് ചെയ്‌താണ്‌ അപ്പോയിന്റ്മെന്റ് എടുക്കേണ്ടത്. നേരത്തെ ട്രാഫിക് വിഭാഗത്തൽ അപ്പോയിന്റ്മെന്റ് സംവിധാനം പ്രാബല്യത്തിലായിരുന്നു.

The post സഊദിയിൽ ഇനി പോലീസ് സ്‌റ്റേഷനിലേക്ക് പോകാനും അബ്ശിറിൽ അപ്പോയ്ന്റ്മെന്റ് എടുക്കണം appeared first on Malayalam Press.