തിരുവനന്തപുരം: തിരുവനന്തപുരം ജില്ലയില് മൂന്നുപേര്ക്ക് അമീബിക് മസ്തിഷ്കജ്വരം സ്ഥിരീകരിച്ചു. മൂന്നുപേരും തിരുവനന്തപുരം മെഡിക്കല് കോളജില് ചികിത്സയിലാണ്. അതേസമയം, കഴിഞ്ഞമാസം 23ന് മരിച്ച യുവാവിനും രോഗം സ്ഥിരീകരിച്ചിട്ടുണ്ട്. ഇതോടെ സംസ്ഥാന തലസ്ഥാനത്ത് നാലു പേര്ക്കാണ് ആകെ രോഗം സ്ഥിരീകരിച്ചത്.
അമീബിക് മസ്തിഷ്കജ്വരം സ്ഥിരീകരിച്ചതിന്റെ പശ്ചാത്തലത്തില് ആരോഗ്യവകുപ്പ് മുന്നറിയിപ്പ് പുറപ്പെടുവിച്ചു. പായല് പിടിച്ചു കിടക്കുന്നതോ മൃഗങ്ങളെ കുളിപ്പിക്കുന്നതോ ആയ വെള്ളം ഉപയോഗിക്കുന്നവര് മുന്കരുതല് എടുക്കണമെന്നും കെട്ടിക്കിടക്കുന്ന മലിനമായ വെള്ളത്തില് കുളിക്കരുതെന്നും നിര്ദേശം നല്കി.
