വയനാട് ഉരുള്പൊട്ടല് ദുരന്തത്തില് രക്ഷാപ്രവര്ത്തനങ്ങള്ക്ക് സഹായഹസ്തവുമായി ചലച്ചിത്രതാരം വിക്രം. മുഖ്യമന്ത്രിയുടെ ദുരിതാശ്വാസ നിധിയിലേക്ക് വിക്രം 20 ലക്ഷം രൂപ സംഭാവന ചെയ്തു.
വിക്രത്തിന്റെ കേരളത്തിലെ ഫാന്സ് അസോസിയേഷന് ആണ് താരം മുഖ്യമന്ത്രിയുടെ ദുരിതാശ്വാസനിധിയിലേക്ക് തുക കൈമാറിയ വിവരം അറിയിച്ചത്.
അതേസമയം ഉരുൾപൊട്ടൽ ദുരന്തത്തില് രക്ഷാപ്രവർത്തനം ഊർജ്ജിതമായി തുടരുകയാണെന്ന് മുഖ്യമന്ത്രി പിണറായി വിജയന് വാര്ത്താസമ്മേളനത്തില് അറിയിച്ചു.
