ജിദ്ദ: സഊദി തൊഴിൽ നിയമത്തിൽ വൻ ഭേദഗതികൾ വരുന്നു. ഇതിന്റെ കരട് കഴിഞ്ഞ ദിവസം പുറത്ത് വന്നിരുന്നു. തൊഴിൽ നിയമത്തിലെ ഏതെങ്കിലും ഭേദഗതിക്ക് അന്തിമ അനുമതി ലഭിക്കുന്ന സാഹചര്യത്തിൽ ഔദ്യോഗിക പ്രഖ്യാപനം നടത്തുമെന്ന് മന്ത്രാലയം വ്യക്തമാക്കി. തൊഴിൽ നിയമത്തിലെ ഭേദഗതികൾ അന്തിമമായി അംഗീകരിക്കപ്പെടാത്ത നിർദ്ദേശങ്ങൾ മാത്രമാണെന്നും സഊദി മാനവ വിഭവശേഷി, സാമൂഹിക വികസന മന്ത്രാലയം (എംഎച്ച്ആർഎസ്ഡി) അറിയിച്ചു. നടപ്പിലാക്കാൻ ഉദ്ദേശിക്കുന്ന ഈ നിർദിഷ്ട ഭേദഗതികൾ എല്ലാ സ്ഥാപനങ്ങളുമായും വ്യക്തികളുമായും പങ്കു വെച്ചിട്ടുണ്ടെന്നും അവരുടെ കാഴ്ചപ്പാടുകളും നിർദ്ദേശങ്ങളും തേടിയെന്നും മന്ത്രാലയം അറിയിച്ചു.
വാർത്തകൾ നേരിട്ട് വാട്ട്സാപ്പിൽ ഉടൻ ലഭിക്കാൻ ഇവിടെ ക്ലിക്ക് ചെയ്യുക
മാർച്ച് 27 ന് പ്രാദേശിക പത്രമായ ഉക്കാദ് ദിനപത്രത്തിൽ ആണ് പുതിയ ഭേദഗതികൾ പുറത്ത് വിട്ടത്. എന്നാൽ, 2021 ജനുവരിയിൽ പൊതു കൺസൾട്ടേഷൻ പ്ലാറ്റ്ഫോമായ ഇസ്തിത്ലായിലൂടെ പങ്കിട്ട നിർദ്ദിഷ്ട ഭേദഗതികളാണെന്ന് ഇതെന്ന് മന്ത്രാലയം വ്യക്തമാക്കി. ബന്ധപ്പെട്ട എല്ലാ സ്ഥാപനങ്ങളുടെയും പങ്കാളിത്തം ഉറപ്പാക്കാനാണിത്. സർവേയിൽ പങ്കെടുത്തവർ ഈ ഭേദഗതികളുടെ അനുയോജ്യതയെക്കുറിച്ചുള്ള അവരുടെ അഭിപ്രായങ്ങളും കാഴ്ചപ്പാടുകളും പ്രകടിപ്പിക്കുന്നു. ഇവ പൂർണ്ണമായും നിർദ്ദേശങ്ങളാണെന്നും, നിർദ്ദിഷ്ട നടപടിക്രമങ്ങൾക്കനുസൃതമായി അംഗീകാരം ലഭിച്ചതിന് ശേഷം മാത്രമേ അവ പ്രാബല്യത്തിൽ വരികയെന്നും മന്ത്രാലയം പറഞ്ഞു.
തൊഴിൽ നിയമത്തിലെ നിരവധി വ്യവസ്ഥകളും മന്ത്രാലയത്തിന്റെ മുൻ തീരുമാനങ്ങളും ഭേദഗതി ചെയ്യുന്നതുമായി ബന്ധപ്പെട്ട് ഇസ്തിത്ലാ പ്ലാറ്റ്ഫോമിലൂടെ നിരവധി നിർദ്ദേശങ്ങൾ നേരത്തെ സമർപ്പിച്ചിരുന്നതായി മന്ത്രാലയം വ്യക്തമാക്കി. ഒരു ഏകീകൃത ഇലക്ട്രോണിക് പ്ലാറ്റ്ഫോമാണ് ഇസ്തിത്ല. സുരക്ഷിതവും സുസ്ഥിരവുമായ ബിസിനസ് അന്തരീക്ഷത്തിലേക്ക് സംഭാവന നൽകുന്നതിന് അംഗീകാരം ലഭിക്കുന്നതിന് മുമ്പ് സാമ്പത്തിക, വികസന കാര്യങ്ങളുമായി ബന്ധപ്പെട്ട കരട് നിയമങ്ങളെക്കുറിച്ച് പൊതുജനങ്ങളെയും സർക്കാർ സ്ഥാപനങ്ങളെയും അവരുടെ ഫീഡ്ബാക്ക് നൽകാൻ പ്രാപ്തരാക്കുക എന്നതാണ് പ്ലാറ്റ്ഫോം ലക്ഷ്യമിടുന്നത്.]
വാർത്തകൾ നേരിട്ട് വാട്ട്സാപ്പിൽ ഉടൻ ലഭിക്കാൻ ഇവിടെ ക്ലിക്ക് ചെയ്യുക
