റിയാദ്: സഊദിയിൽ വിവിധ സന്ദർശക വിസകളിൽ വന്ന് വിസ കാലാവധി കഴിഞ്ഞവർക്ക് ആശ്വാസ നടപടികൾ കൈകൊണ്ട് ഭരണകൂടം. ഉംറ, സന്ദര്ശന വിസകളിലെത്തി പുതുക്കാന് കഴിയാത്തവര്ക്ക് ഏപ്രില് 18 വരെയാണ് രാജ്യത്ത് നിൽക്കാനാകുക. ഇക്കാലയളവിനുള്ളില് അവര് രാജ്യം വിടണമെന്നും സഊദി ആഭ്യന്തരമന്ത്രാലയം അറിയിച്ചു. സഊദി ഭരണകൂടനേതൃത്വത്തിന്റെ നിർദ്ദേശങ്ങൾക്കനുസൃതമായി ആഭ്യന്തര മന്ത്രാലയമാണ് നടപടികൾ കൈകൊള്ളുന്നത്. മന്ത്രാലയ പ്രസ്താവന താഴെ വായിക്കാം
വാർത്തകളും ജോബ് വേക്കൻസികളും വാട്സ് ആപ്പിൽ ലഭിക്കുവാൻ ഇവിടെ അമർത്തി ഗ്രൂപ്പിൽ അംഗമാകുക
25/2/2026 മുതൽ (ഹിജ്റ 8/9/1447) കാലാവധി കഴിഞ്ഞതും മേഖലയിലെ നിലവിലെ സാഹചര്യം കാരണം പുറത്തുപോകാൻ കഴിയാത്തതുമായ വിസ ഉടമകളുടെ സാഹചര്യങ്ങൾ ഇനിപ്പറയുന്ന രീതിയിലാണ് പരിരിക്കുക.
ഒന്ന്
- 25/2/2026 മുതൽ (ഹിജ്റ 8/9/1447) കാലാവധി കഴിഞ്ഞ വിസകൾ വിസ സ്പോൺസറുടെ അബ്ഷിർ വഴിയുള്ള അഭ്യർത്ഥന പ്രകാരം, നിയമപരമായി നിർദ്ദേശിച്ച ഫീസ് അടച്ചതിനുശേഷം നീട്ടാൻ സാധിക്കും. ഏപ്രിൽ 18 വരെയാണ് ഇത്തരത്തിൽ നീട്ടി ലഭിക്കുന്നത്.
രണ്ട്
- 25/2/1447 മുതൽ (ഹിജ്റ 8/9/1447) കാലാവധി കഴിഞ്ഞ വിസ ഉടമകൾക്ക് (എല്ലാത്തരം ഉംറ, ട്രാൻസിറ്റ്, ഫൈനൽ എക്സിറ്റ് വിസകൾ) അവരുടെ വിസകൾ നീട്ടാതെയോ ഏതെങ്കിലും ഫീസോ വൈകിയ പിഴകളോ അടയ്ക്കാതെയും നേരിട്ട് അന്താരാഷ്ട്ര വിമാനത്താവളങ്ങൾ വഴി പോകാൻ സാധിക്കും.
ഫെബ്രുവരി 25 മുതൽ വിസയുടെ കാലാവധി അവസാനിച്ചവര് ഈ ആനുകൂല്യം ലഭിക്കാൻ ഏപ്രിൽ 18 നു മുൻപായി രാജ്യം വിടണം. അല്ലെങ്കിൽ നിയമ നടപടികൾ നേരിടേണ്ടിവരും. നിയമലംഘകർക്കെതിരെ രാജ്യത്ത് നിലവിലുള്ള നടപടികൾ പ്രയോഗിക്കുന്നത് ഒഴിവാക്കുന്നതിനായി ഇത്തരക്കാർ ഈ സേവനങ്ങൾ ഉപയോഗപ്പെടുത്തണമെന്ന് അധികൃതർ അറിയിച്ചു.
വാർത്തകളും ജോബ് വേക്കൻസികളും വാട്സ് ആപ്പിൽ ലഭിക്കുവാൻ ഇവിടെ അമർത്തി ഗ്രൂപ്പിൽ അംഗമാകുക
