ദുബൈ: റസ്റ്റോറന്റ് അടിച്ചു തകര്ത്ത കേസിൽ അറസ്റ്റിലായ എട്ട് പ്രവാസികള്ക്ക് ദുബൈ ക്രിമിനല് കോടതി ശിക്ഷ വിധിച്ചു. റസ്റ്റോറന്റിന് 26,000 ദിര്ഹത്തിന്റെ നഷ്ടമാണ് ഇവര് വരുത്തിവെച്ചത്. ശിക്ഷ അനുഭവിച്ച ശേഷം പ്രതികള് എല്ലാവരെയും യുഎഇയില് നിന്ന് നാടുകടത്തും.
റസ്റ്റോറന്റ് ഉടമയാണ് സംഭവത്തില് പരാതി നല്കിയത്. പ്രതികളില് ഒരാള് തന്റെ സ്ഥാപനത്തില് കയറി ഒരു സോഫ്റ്റ് ഡ്രിങ്ക് ബോട്ടില് എടുത്ത് കുടിച്ചു. തുടര്ന്ന് പണം നല്കാതെ പുറത്തിറങ്ങാന് ശ്രമിച്ചപ്പോള് ജീവനക്കാരില് ഒരാള് തടഞ്ഞു. ഇതേച്ചൊല്ലി വാക്കുതര്ക്കമുണ്ടാവും അത് കൈയാങ്കളിയിലെത്തുകയും ചെയ്തു. ഇതിനൊടുവില് താന് തിരിച്ചുവരുമെന്നും അപ്പോള് കാണിച്ച് തരാമെന്നും ഭീഷണി മുഴക്കി ഇയാള് സ്ഥലം വിട്ടു.
