ദോഹ: ഇതാ… അര്ജന്റീന…. ഇതാ….മെസ്സി…ഇതാ ലോകകിരീടം… മൂന്നാം ലോകകപ്പ് കിരീടത്തില് മുത്തമിട്ട് അര്ജന്റീന. പെനാല്റ്റി ഷൂട്ടൗട്ടില് ഫ്രാന്സിനെ 4-2 ന് തകര്ത്താണ് അര്ജന്റീന കിരീടത്തില് മുത്തമിട്ടത്. നിശ്ചിതസമയത്തും അധികസമയത്തും ഇരുടീമുകളും 3-3 ന് സമനില നേടിയതോടെയാണ് മത്സരം പെനാല്റ്റി ഷൂട്ടൗട്ടിലേക്ക് നീങ്ങിയത്.
വാർത്തകൾ നേരിട്ട് വാട്ട്സാപ്പിൽ ഉടൻ ലഭിക്കാൻ ഇവിടെ ക്ലിക്ക് ചെയ്യുക
36 വര്ഷത്തെ കാത്തിരിപ്പിനുശേഷമാണ് അര്ജന്റീന ലോകകിരീടം നേടുന്നത്. 2014 ഫൈനലില് നഷ്ടപ്പെട്ട കിരീടം മെസ്സി ഇതാ സ്വന്തമാക്കിയിരിക്കുന്നു. അര്ജന്റീനയയ്ക്ക് വേണ്ടി മെസ്സി ഇരട്ട ഗോള് നേടിയപ്പോള് എയ്ഞ്ജല് ഡി മരിയയും വലകുലുക്കി. ഫ്രാന്സിനായി എംബാപ്പെ ഹാട്രിക്ക് നേടി.
മത്സരത്തിന്റെ തുടക്കത്തില് തന്നെ അര്ജന്റീന മികച്ച മുന്നേറ്റവുമായി കളം നിറഞ്ഞു. മൂന്നാം മിനിറ്റില് ജൂലിയന് അല്വാരസ് ഗോള്ശ്രമം നടത്തിയെങ്കിലും റഫറി ഓഫ്സൈഡ് ഫ്ലാഗുയര്ത്തി. അഞ്ചാം മിനിറ്റില് അര്ജന്റീനയുടെ മാക് അലിസ്റ്ററുടെ ഉഗ്രന് ലോങ്റേഞ്ചര് ഫ്രാന്സ് ഗോള്കീപ്പര് ഹ്യൂഗോ ലോറിസ് കൈയ്യിലാക്കി. ഒന്പതാം മിനിറ്റില് മത്സരത്തിലെ ആദ്യ കോര്ണര് അര്ജന്റീന നേടിയെടുത്തു. പക്ഷേ അത് ഗോളവസരമാക്കാന് അര്ജന്റീനയ്ക്ക് സാധിച്ചില്ല.
ആദ്യം രണ്ട് ഗോൾ അർജന്റീന നേടിയിരുന്നെകിലും അർജന്റീനക്കെതിരെ മിനിറ്റുകൾക്കുള്ളിൽ രണ്ട് ഗോൾ ഫ്രാൻസ് തിരിച്ചടിച്ചു സമനിലയിൽ പിടിച്ചു. കടുത്ത പോരാട്ടമാണ് നടന്നത്. കടുത്ത ത്രില്ലിങ്ങിൽ നടന്ന മത്സരം ഏറെ ആവേശം വിതറുന്നതായിരുന്നു.
വാർത്തകൾ നേരിട്ട് വാട്ട്സാപ്പിൽ ഉടൻ ലഭിക്കാൻ ഇവിടെ ക്ലിക്ക് ചെയ്യുക
ആദ്യത്തിൽ മുന്നേറിയ അർജന്റീനക്ക് പിന്നീട് വിയർക്കേണ്ടി വന്നു. 21-ാം മിനിറ്റില് ബോക്സിനകത്തേക്ക് കുതിച്ച എയ്ഞ്ജല് ഡി മരിയയെ ഔസ്മാനെ ഡെംബലെ വീഴ്ത്തിയതിനെത്തുടര്ന്ന് അര്ജന്റീനയ്ക്ക് റഫറി പെനാല്റ്റി അനുവദിച്ചു. കിക്കെടുത്തത് മറ്റാരുമല്ല സൂപ്പര് താരം ലയണല് മെസ്സി. 23-ാം മിനിറ്റില് കിക്കെടുത്ത അര്ജന്റീന നായകന് തെറ്റിയില്ല. ഗോള്കീപ്പര് ഹ്യൂഗോ ലോറിസിനെ കബിളിപ്പിച്ചുകൊണ്ട് മെസ്സി പോസ്റ്റിന്റെ വലതുവശത്തേക്ക് പന്ത് അടിച്ചുകയറ്റിയപ്പോള് ലുസെയ്ല് സ്റ്റേഡിയം ആര്ത്തുലച്ചു. മെസ്സിയുടെ ടൂര്ണമെന്റിലെ ആറാം ഗോള് കൂടിയാണിത്.
അര്ജന്റീന 4-4-2 ശൈലിയിലാണ് കളിക്കുന്നത്. ഫ്രാന്സ് 4-2-3-1 ശൈലിയില് പന്തുതട്ടും. ഫ്രാന്സും രണ്ട് മാറ്റങ്ങളുമായാണ് കളിക്കുന്നത്. കൊനാറ്റെയ്ക്ക് പകരം ഉപമെക്കാനോയും ഫൊഫാനയ്ക്ക് പകരം റാബിയോയും ടീമിലിടം നേടി. ഇരുടീമുകളും മൂന്നാം ലോകകിരീടമാണ് ലക്ഷ്യം വെയ്ക്കുന്നത്.
വാർത്തകൾ നേരിട്ട് വാട്ട്സാപ്പിൽ ഉടൻ ലഭിക്കാൻ ഇവിടെ ക്ലിക്ക് ചെയ്യുക
തുടക്കം അര്ജന്റൈന് ആക്രമണത്തോടെ
4-3-3-1 ശൈലിയിലാണ് കോച്ച് ദിദിയെര് ദെഷാം ഫ്രഞ്ച് ടീമിനെ കളത്തിലിറക്കിയത്. ക്രൊയേഷ്യക്കെതിരായ മത്സരത്തില് നിന്ന് വ്യത്യസ്തമായി പ്രതിരോധത്തിന് കൂടി ഊന്നല് നല്കി 4-4-2 ശൈലിയിലാണ് അര്ജന്റീന പരിശീലകന് ലിയോണല് സ്കലോണി ഇന്ന് ടീമിനെ വിന്യസിക്കുന്നത്. മെസി-എംബാപ്പെ പോരാട്ടമെന്ന നിലയില് മത്സരത്തിന് മുമ്പേ ചര്ച്ചയായ ഫൈനല് കിക്കോഫായി ആദ്യ മിനുറ്റുകളില് തന്നെ ലുസൈല് സ്റ്റേഡിയത്തില് ആവേശം പടര്ത്തി. മൂന്നാം മിനുറ്റില് അര്ജന്റീന ആദ്യ മുന്നേറ്റം നടത്തി. അഞ്ചാം മിനുറ്റില് മക്കലിസ്റ്ററിന്റെ ലോംഗ് റേഞ്ചര് ശ്രമം ലോറിസിന്റെ കൈകള് കടന്നില്ല. തൊട്ടുപിന്നാലെ ഡീപോളിന്റെ ഷോട്ട് വരാനെയില് തട്ടി പുറത്തേക്ക് തെറിച്ചു.
തുടക്കമിട്ട് മെസി, പിന്നാലെ ഡി മരിയ
10 മിനുറ്റിന് ശേഷമാണ് ഫ്രാന്സ് ചിത്രത്തില് തെളിയുന്നത്. 14-ാം മിനുറ്റിലാണ് ഫ്രാന്സ് അര്ജന്റീനന് ഗോള്മുഖത്തേക്ക് ആദ്യമായി എത്തുന്നത്. 19-ാം മിനുറ്റില് ഹെര്ണാണ്ടസിനെ ഡീപോള് ഫൗള് ചെയ്തതതിന് ബോക്സിന് തൊട്ട് പുറത്തുവച്ച് ഫ്രാന്സിന് അനുകൂലമായി ഫ്രീകിക്ക് ലഭിച്ചു. ജിറൂഡിന്റെ പറന്നുള്ള ഹെഡര് ബാറിന് മുകളിലൂടെ പാറി. 21-ാം മിനുറ്റില് ഡിമരിയയെ ഡെംബലെ വീഴ്ത്തിയതിന് റഫറി പെനാല്റ്റി വിധിച്ചു. ലോറിസ് വലത്തോട്ട് ചാടിയപ്പോള് ഇടത്തോട്ട് അനായാസം പന്ത് വലയിലാക്കി മെസി അര്ജന്റീനയെ 23-ാം മിനുറ്റില് മുന്നിലെത്തിച്ചു. ഈ ലോകകപ്പില് മെസിയുടെ ആറാം ഗോളാണിത്. 36-ാം മിനുറ്റില് കൗണ്ടര് അറ്റാക്കില് മക്കലിസ്റ്ററിന്റെ അസിസ്റ്റില് മരിയ രണ്ടാം ഗോളും കണ്ടെത്തി.
ഹാഫ്ടൈമിന് മുമ്പേ മാറ്റം
ഇതോടെ ഡെംബലെയേയും ജിറൂഡിനേയും 42-ാം മിനുറ്റില് പിന്വലിച്ച് മാര്ക്കസ് തുറാം, കോളോ മൗനി എന്നിവരെ ഇറക്കാന് ദെഷാം നിര്ബന്ധിതനായി. എന്നിട്ടും കാര്യമായ ആക്രമണം അഴിച്ചുവിടാന് ഫ്രഞ്ച് ടീമിനായിരുന്നില്ല ഒടുവിലാണ് 80-ാം മിനിറ്റിൽ ഗോള് പിറന്നത്. ഈ ഗോളിന്റെ ഞെട്ടല് മാറുംമുന്പേ ഫ്രാന്സ് അടുത്തവെടി പൊട്ടിച്ചു.
വാർത്തകൾ നേരിട്ട് വാട്ട്സാപ്പിൽ ഉടൻ ലഭിക്കാൻ ഇവിടെ ക്ലിക്ക് ചെയ്യുക
