മലപ്പുറം: ഒമ്പത് വയസുകാരിയെ ബലാത്സംഗം ചെയ്ത കേസില് പ്രതിക്ക് 80 വര്ഷം കഠിന തടവും 1.6 ലക്ഷം രൂപ പിഴയും വിധിച്ച് കോടതി. വഴിക്കടവ് സ്വദേശി എന് പി സുരേഷ് ബാബുവിനെയാണ് (ഉണ്ണിക്കുട്ടന്) നിലമ്പൂര് അതിവേഗ സ്പെഷല് കോടതി ശിക്ഷിച്ചത്. പിഴത്തുക അടച്ചില്ലെങ്കില് മൂന്ന് വര്ഷവും 3 മാസവും കൂടുതല് ശിക്ഷ അനുഭവിക്കേണ്ടി വരും.
2023 ഡിസംബറിലും 2024 ഫെബ്രുവരിയിലും അതിജീവിതയുടെ വീട്ടില് അതിക്രമിച്ചു കയറി കിടപ്പുമുറിയില് വെച്ച് ബലാത്സംഗം ചെയ്തുവെന്നാണ് കേസ്. വിവിധ വകുപ്പുകള് ചേര്ത്തായിരുന്നു ശിക്ഷ വിധിച്ചത്. 2017 ലും ഇയാള് സമാനമായ കുറ്റത്തിന് ശിക്ഷിക്കപ്പെട്ടിരുന്നുവെന്ന് വഴിക്കടവ് പോലീസ് അന്വേഷണത്തില് കണ്ടെത്തിയിരുന്നു. പ്രതിയെ തവനൂര് ജയിലിലേക്ക് മാറ്റി.
