ദുബൈ: ദുബൈയിലുണ്ടായ വാഹനാപകടത്തിൽ മലയാളി മരണപ്പെട്ടു. ഇരിങ്ങാലക്കുട ചിറ്റിലപ്പിള്ളി തൊമ്മാന പരേതനായ ബേബിയുടെ മകൻ ജെറി (38) ആണ് മരണപ്പെട്ടത്. വ്യാഴാഴ്ച ഉച്ചക്ക് 12ന് മിർദിഫിലായിരുന്നു അപകടം.
റാശിദീയ മെട്രോ സ്റ്റേഷന് സമീപത്തെ ഹോട്ടലിലെ ജീവനക്കാരനായിരുന്നു. ഭക്ഷണം ഡെലവറിക്കായി പോയി മടങ്ങവേ ജെറി ഓടിച്ചിരുന്ന ബൈക്കിൽ മറ്റൊരു വാഹനം ഇടിക്കുകയായിരുന്നു. ഉടൻ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. 18 വർഷമായി ഗൾഫിലായിരുന്നു.
അവിവാഹിതനാണ്. മാതാവ്: റെജീന. സഹോദരൻ: ബെന്നി. മൃതദേഹം നാട്ടിലെത്തിച്ച് സംസ്കരിക്കും.
