വിവാഹത്തിന്റെ സന്തോഷം നിറഞ്ഞ് നില്ക്കേണ്ട വീട് മരണ വീടായി മാറി
എറണാകുളം: വിവാഹം നടക്കേണ്ട ദിവസം വരന് ദാരുണാന്ത്യം. തൃപ്പൂണിത്തുറ ചാത്താരി വിളങ്ങാട്ടില് ജോണിന്റെ (സെയ്ന്റ് ആന്റണീസ് ഫോട്ടോസ്റ്റാറ്റ്, കിഴക്കേക്കോട്ട ) മകന് ജസ്റ്റിന് വി. ജോണ് (32) ആണ് മരിച്ചത്. തിങ്കളാഴ്ചയായിരുന്നു തൃപ്പൂണിത്തുറ സെയ്ന്റ് മേരീസ് ഫൊറോന പള്ളിയില് വിവാഹം നിശ്ചയിച്ചിരുന്നത്. എന്നാല് വിവാഹത്തിന്റെ സന്തോഷം നിറഞ്ഞ് നില്ക്കേണ്ട വീട് മരണ വീടായി മാറുകയായിരുന്നു.
വിവാഹത്തിന് മുന്നോടിയായുള്ള അത്താഴം ഊട്ട് ചടങ്ങ് കഴിഞ്ഞ ശനിയാഴ്ച വൈകീട്ടായിരുന്നു. അതിനുശേഷം ശാരീരികാസ്വസ്ഥതയനുഭവപ്പെട്ടതിനെ തുടര്ന്ന് ജസ്റ്റിനെ ആശുപത്രിയിലെത്തിക്കുകയായിരുന്നു. എറണാകുളത്തെ സ്വകാര്യ ആശു പത്രിയില് ചികിത്സയിലിരിക്കെയാണ് വിവാഹ ദിവസമായ ഇന്നലെ ജസ്റ്റിന് മരിച്ചത്. മാതാവ്: എല്സമ്മ. സഹോദരി: ജിനു മരിയ (ഓസ്ട്രേലിയ). സംസ്കാരം ബുധനാഴ്ച 3-ന് തൃപ്പൂണിത്തുറ സെയ്ന്റ് മേരീസ് ഫൊറോന പള്ളി സെമിത്തേരിയില്.
