അറാർ: ഒന്നര പതിറ്റാണ്ടായി സൗദിയിൽ പ്രവാസിയായ മലയാളി അന്തരിച്ചു. മലപ്പുറം പെരിന്തൽമണ്ണ, കരിങ്കല്ലത്താണി സ്വദേശി പള്ളിതാഴെ വീട്ടിൽ ലാലു ജോസഫ് (54 ) ആണ് മരിച്ചത്. ദേഹാസ്വാസ്ഥ്യത്തെ തുടർന്ന് അറാർ പ്രിൻസ് അബ്ദുൾ അസീസ് ആശുപത്രിയിൽ പ്രവേശിപ്പിച്ചു ചികിത്സയിലിരിക്കെ നില വഷളായി മരണം സംഭവിച്ചു. കഴിഞ്ഞ 15 വർഷമായി അറാറിൽ സ്വകാര്യ സ്ഥാപനത്തിൽ ജോലി ചെയ്തു വരികയായിരുന്നു.
ഭാര്യ: ജോളി, മക്കൾ: ലിജ ,ലിയ,ലിമ. മൃതദേഹം അറാർ പ്രിൻസ് അബ്ദുൾ അസീസ് ആശുപത്രി മോർച്ചറിയിൽ സൂക്ഷിച്ചിട്ടുണ്ട്. അറാർ പ്രവാസി സംഘം പ്രസിഡന്റും ലോക കേരള സഭാംഗവുമായ സക്കീർ താമരത്തിന്റെ നേതൃത്വ ത്തിൽ മൃതദേഹം നാട്ടിൽ എത്തിക്കുന്നതിനു വേണ്ടിയുള്ള നിയമനടപടികൾ പുരോഗമിക്കുന്നു. സംസ്കാരം പിന്നീട് നാട്ടിൽ.
