റിയാദ്: അന്തരിച്ച സിപിഐഎം മുർന്ന നേതാവും മുൻ കേരള മുഖ്യമന്ത്രിയുമായ വി.എസ് അച്യുതാനന്ദൻ്റെ വിയോഗത്തിൽ കേളി കലാ സാംസ്കാരിക വേദി അനുശോചന യോഗം സംഘടിപ്പിച്ചു. ബത്ഹ ഡിപാലസ് ഓഡിറ്റോറിയത്തിൽ സംഘടിപ്പിച്ച പരിപാടിയിൽ കേളി രക്ഷാധികാരി സെക്രട്ടറി കെ.പി. എം സാദിഖ് അധ്യക്ഷത വഹിച്ചു.
കേളി പ്രസിഡണ്ട് സെബിൻ ഇക്ബാൽ അനുശോചന കുറിപ്പ് അവതരിപ്പിച്ചു.
എൻ.ആർ.കെ ചെയർമാനും കെഎംസിസി സെന്‍ട്രല്‍ കമ്മിറ്റി പ്രസിഡൻ്റുമായ സി. പി മുസ്തഫ, ഒഐസിസി പ്രതിനിധി അഡ്വ. എൽ. കെ അജിത്ത്, റിയാദ് ഇന്ത്യൻ മീഡിയ ഫോറം ജനറല്‍ സെക്രട്ടറി ജയൻ കൊടുങ്ങല്ലൂർ, ന്യൂ എയ്ജ് സാംസ്കാരിക വേദി മുഖ്യ രക്ഷാധികാരി സാലി, ഐഎൻഎൽ പ്രതിനിധി സഹനി, കേളി സെക്രട്ടറി സുരേഷ് കണ്ണപുരം, ട്രഷറർ ജോസഫ് ഷാജി, കേന്ദ്ര കമ്മറ്റി അംഗം ഹാഷിം കുന്നത്തറ,കേളി കുടുംബവേദി പ്രസിഡണ്ട് പ്രിയ വിനോദ്, ആക്ടിംഗ് സെക്രട്ടറി സിജിൻ കൂവള്ളൂർ, കേന്ദ്ര കമ്മറ്റി അംഗം ഷഹീബ വി. കെ, ചില്ല സർഗവേദി കോർഡിനേറ്റർ സുരേഷ് ലാൽ, സഹ കോഡിനേറ്റർ നാസർ കാരക്കുന്ന്, മലയാളം മിഷൻ സഊദി ചാപ്റ്റർ സെക്രട്ടറി ജോമോൻ സ്റ്റീഫൻ, സാഹിത്യകാരി സബീന എം. സാലി, കേളി രക്ഷാധികാരി സമിതി അംഗം ഗീവർഗീസ് ഇടിച്ചാണ്ടി എന്നിവർ അനുശോചനം അറിയിച്ചു കൊണ്ട് സംസാരിച്ചു. പരിപാടിയില്‍ സ്ത്രീകള്‍ അടക്കം നിരവധി പേര്‍ പങ്കെടുത്തു.
